पंढरपूरः कार्तिकी एकादशीनिमित्त (Kartiki Ekadashi) लाखो भाविक पंढरपुरात (Pandharpur) दाखल झाले आहेत. कोरोना संकटामुळे मागील दोन वर्षांपासून वारीमध्ये खंड पडला होता. मात्र या खंडानंतर आज पहिल्यांदाच वारकऱ्यांना पंढरपुरात कार्तिकी एकादशीसाठी वारकऱ्यांना परवानगी मिळाली आहे. त्यामुळे लाखो भाविक विठुरायाच्या दर्शनासाठी पंढरपुरात दाखल झाले आहेत. आज पहाटेच उपमुख्यमंत्री देवेंद्र फडवणीस (Devendra Fadanvis) यांनी विठ्ठल- रुक्मिणीची महापूजा केली. यावेळी पत्नी अमृता फडणवीस यादेखील उपस्थित होत्या. मानाचे वारकरी उत्तमराव साळुंखे यांच्यासमवेत त्यांच्या पत्नी कलावती साळुंखे यादेखील उपस्थित होत्या. चंद्रभागेच्या तीरावर हजारो वारकऱ्यांची गर्दी दिसून येतेय. जवळपास अडीच ते तीन लाख भाविक पंढरपूरमध्ये आज दाखल झाल्याचा अंदाज वर्तवला जातोय.