भाजपमध्ये जाण्यापूर्वी तनपुरेंची सुप्रिया सुळेंशी गुप्त चर्चा? राष्ट्रवादी शरद पवार गटात मोठ्या हालचाली

प्राजक्त तनपूरे यांच्या भाजप प्रवेशाच्या चर्चांना आता अधिक वेग आला आहे. गेल्या काही दिवसांपासून ते मुख्यमंत्री देवेंद्र फडणवीस यांच्या संपर्कात असल्याची चर्चा राजकीय वर्तुळात सुरू होती.

प्राजक्त तनपूरे हे राष्ट्रवादी काँग्रेस पक्षाचे ज्येष्ठ नेते जयंत पाटील यांचे भाचे आहेत. तसेच अहमदनगर जिल्ह्यातील प्रभावी नेते म्हणून त्यांची ओळख आहे. राहुरी विधानसभा पोटनिवडणुकीच्या काळात त्यांनी माघार घेतल्यानंतर त्यांच्या भाजप प्रवेशाच्या चर्चांना सुरुवात झाली होती. आज ( 30 मे 2026 ) त्याच्या भाजप पक्ष प्रवेशावर शिक्कामोर्तब झाला आहे.

दरम्यान, सूत्रांकडून एक मोठी माहिती समोर आली आहे. प्राजक्त तानपूरे यांच्या भाजप प्रवेशामुळे ज्येष्ठ नेते शरद पवार नाराज असल्याचे बोलले जात आहे. विशेष म्हणजे, पक्षप्रवेशाच्या चर्चांदरम्यान प्राजक्त तनपूरे यांनी राष्ट्रवादीच्या नेत्या सुप्रिया सुळे यांची भेट घेतल्याची माहिती समोर आली आहे.

तसेच काही सूत्रांच्या माहितीनुसार, प्राजक्त तनपूरे हे काही राजकीय दबावामुळे हा निर्णय घेत असल्याचीही चर्चा सुरू आहे. मात्र याबाबत अद्याप कोणतीही अधिकृत प्रतिक्रिया समोर आलेली नाही.