वंचित बहुजन आघाडी भाजपची बी टीम नाही : प्रकाश आंबेडकर

राज्यात लोकसभा निवडणुकांच्या वेळी वंचित बहूजन आघाडीनं मोठं आव्हान उभं केलं होतं. त्यानंतर विधानसभा निवडणुकीत देखील वंचित बहूजन आघाडी मैदानात उतरली होती. त्यावेळी काँग्रेस आणि राष्ट्रवादी काँग्रेस यांनी वंचितवर भाजपची बी टीम असल्याचा आरोप केला होता. वंचित बहूजन आघाडी भाजपची बी टीम नाही. उत्तर प्रदेशसह भाजप चार राज्यात निवडून आले आहे. तिथे काँग्रेसचा मोठा पराभव झाला आहे मग काँग्रेस भाजपची बी टीम नाही का? , असा सवाल प्रकाश आंबेडकर यांनी केला आहे.