मुस्लिम सुपरस्टार मित्रासाठी अभिनेत्याची मंदिरात पूजा; वादाला उधाण

दाक्षिणात्य चित्रपटसृष्टीतील लोकप्रिय अभिनेते मोहनलाल यांनी काही दिवसांपूर्वी प्रसिद्ध शबरीमला मंदिरात पूजा केली. या पूजेची पावती जेव्हा सोशल मीडियावर लीक झाली, तेव्हा त्यावरून मोठा वाद निर्माण झाला. कारण त्या पूजेच्या पावतीवर मोहनलाल यांचा खास मित्र आणि सुपरस्टार मम्मूटी यांचं नाव होतं. मोहम्मद कुट्टी हे नाव आणि त्यांच्या जन्म नक्षत्राचा उल्लेख त्या पावतीवर होता. यावरून अनेकांनी आक्षेप घेतला. त्यामागचं कारण म्हणजे मम्मूटी हे मुस्लिम आहेत आणि इस्लामातील श्रद्धेनुसार अल्लाहशिवाय ते दुसऱ्या कोणत्याच देवाकडे प्रार्थना करू शकत नाहीत. त्यामुळे जर मम्मूटी यांनी मोहनलाल यांना त्यांच्यासाठी प्रार्थना करण्यास सांगितलं असेल तर त्यांनी सर्वांची माफी मागावी, अशी मागणी करण्यात आली. मोहनलाल आणि मम्मूटी हे एकमेकांचे खूप घनिष्ठ मित्र आहेत. मम्मूटी यांच्या स्वास्थ्यासाठी मोहनलाल यांनी मंदिरात पूजा केल्याचं म्हटलं गेलं. हा संपूर्ण वाद काय आहे, त्यावर दोन्ही सेलिब्रिटींनी काय प्रतिक्रिया दिल्या… ते सविस्तर जाणून घेऊयात.