मुंबई : आपल्या भारतीय चलनी नोटांवर आज पर्यंत महात्मा गांधी (Mahatma Gandhi) यांचाच फोटो पाहायला मिळत होता. मात्र यापुढे यात बदल करण्यात येणार असल्याचा रिझर्व्ह बँक ऑफ इंडियाकडून (Reserve Bank of India) सांगण्यात आल्याच्या अफवा पसरवल्या जात होत्या. ज्यात भारतीय चलनी नोटांव असलेला महात्मा गांधी यांच्यांसह रविंद्रनाथ टागोर आणि एपीजे अब्दुल कलाम (APJ Abdul Kalam) यांचे वॉटरमार्क वापरण्यात येणार असल्याचं बोललं जात होतं. तर रिझर्व्ह बँक ऑफ इंडिया तसं विचार करत असल्याचं बोललं जात होतं. तसेच यासंदर्भातील दोन सेट तयार करण्यात आले असून ते सरकारसमोर सादर केले जातील आणि याबाबतचा अंतिम निर्णय उच्चस्तरीय बैठकीत घेतला जाईल असे वृत्त होते. यावर काही प्रसारमाध्यमांनी वृत्त ही दिलं होतं. मात्र यावर रिझर्व्ह बँक ऑफ इंडियाकडून खुलासा करण्यात आला आहे. आपल्या या खुलास्यात नोटांवर असा कुठलाही बदल केला जाणार नसल्याचं आरबीआयकडून सांगण्यात आलं आहे. तसेच यासंदर्भांत आरबीआयने प्रेस नोट काढली आहे. तसेच महात्मा गांधी यांचा फोटो असलेल्या नोटा 1996 पासून बाजारात आरबीआयने आणल्या. तेव्हा पासून नोटांना गांधी सीरिजचं नाव देण्यात आलं आहे. त्यापूर्वी 1969 मध्ये आरबीआयने महात्मा गांधी यांचा फोटो असलेली नोट छापली होती. त्यावेळी गांधी जयंतीनिमित्त त्यांचा फोटो असलेल्या नोटा छापण्यात आल्या होत्या.