आधी त्यांनी केलेल्या घोटाळ्यावर बोलावं! रोहित पवारांचा संजय शिरसाट यांना टोला

पार्थ पवार जमीन गैरव्यवहार प्रकरणात रोहित पवारांनी आपली प्रतिक्रिया दिली आहे. कुठल्याही व्यक्तीवर, तो सत्तेतील नेत्याचा नातेवाईक असो वा विरोधातील, जर त्याने गैरकृत्य केले असेल, तर त्याच्यावर भेदभाव न करता कारवाई झाली पाहिजे अशी भूमिका रोहित पवारांनी मांडली आहे. ते म्हणाले की, केवळ नेताच नव्हे, तर त्याला पाठिंबा देणाऱ्या अधिकाऱ्यांचीही चौकशी झाली पाहिजे.

या प्रकरणात संजय शिरसाट यांनी केलेल्या टीकेला प्रत्युत्तर देताना रोहित पवारांनी त्यांनाच ५००० कोटी रुपयांच्या कथित भ्रष्टाचारावर बोलण्यास सांगितले. शिरसाटांनी आधी स्वतःच्या घोटाळ्यांवर भाष्य करावे असा टोला त्यांनी लगावला.

पुण्यातील या जमीन गैरव्यवहार प्रकरणात, जमीन हडपण्याचे प्रयत्न सुरू होते अशी माहिती समोर आली आहे. पुणे तहसीलदारांचे संशयास्पद व्यवहार असल्याचेही म्हटले जाते. या प्रकरणी नायब तहसीलदार प्रवीण बोरडे यांच्या तक्रारीनंतर एफआयआर दाखल करण्यात आला आहे. शीतल तेजवानी आणि निलंबित तहसीलदार सूर्यकांत येवले यांच्या अडचणी वाढणार असून, त्यांच्यावर चौकशी सुरू झाली आहे.