ब्लॅकबॉक्स आगीपासून सुरक्षित, पण राजकारणापासून नाही; रोहित पवारांचे मोठे दावे

अजित पवारांच्या कथित विमान अपघाताबाबत राष्ट्रवादी काँग्रेसचे नेते रोहित पवार यांनी गंभीर प्रश्न उपस्थित केले आहेत, हा अपघात होता की घातपात, यावर त्यांनी शंका व्यक्त केली. दिल्लीत आयोजित पत्रकार परिषदेत त्यांनी तपास यंत्रणांच्या गतीवर आक्षेप घेतला. दिल्लीतील पत्रकार परिषदेनंतर दुसऱ्याच दिवशी डीजीसीएची टीम बारामतीला पोहोचल्याचे त्यांनी निदर्शनास आणले.

रोहित पवार यांनी विमानात अतिरिक्त इंधन टँक किंवा कॅन असल्याचा संशय व्यक्त केला. विमानाच्या शेवटच्या भागात, जिथे शौचालय असते, तिथे ब्लॅक बॉक्सच्या मागे हे टँक ठेवण्याची जागा असते, असे त्यांनी सांगितले. अपघातग्रस्त विमानाचा ब्लॅक बॉक्स जळाल्याचे सांगण्यात येत आहे, यावरही त्यांनी प्रश्नचिन्ह उपस्थित केले. ब्लॅक बॉक्समध्ये अडचण असल्याच्या केंद्र सरकारच्या एजन्सीच्या स्पष्टीकरणाबाबत त्यांनी चिंता व्यक्त केली. या अपघातामागे घातपाताची शक्यता बळावत असल्याचे त्यांचे म्हणणे आहे.