खरातच्या टेबलवर महिला देवाच्या नावाखाली… रुपाली ठोंबरेंना राग अनावर, चाकणकरांच्या नोटीसला थेट चॅलेन्ज
राज्यात सध्या चर्चेत असलेल्या प्रकरणावर माजी राज्य महिला आयोग अध्यक्षा रुपाली चाकणकर यांनी महत्त्वाचे स्पष्टीकरण दिले आहे. सोशल मीडियावर व्हायरल होत असलेल्या प्रकरणाशी आपला कोणताही संबंध नसल्याचा दावा त्यांनी केला. कृत्रिम बुद्धिमत्ता म्हणजेच AI चा वापर करून चुकीची माहिती पसरवण्यात आल्याचेही त्यांनी म्हटले आहे.
राज्यात सध्या चर्चेत असलेल्या प्रकरणावर माजी राज्य महिला आयोग अध्यक्षा रुपाली चाकणकर यांनी महत्त्वाचे स्पष्टीकरण दिले आहे. सोशल मीडियावर व्हायरल होत असलेल्या प्रकरणाशी आपला कोणताही संबंध नसल्याचा दावा त्यांनी केला. कृत्रिम बुद्धिमत्ता म्हणजेच AI चा वापर करून चुकीची माहिती पसरवण्यात आल्याचेही त्यांनी म्हटले आहे.
दरम्यान, राष्ट्रवादी काँग्रेस अजित पवार गटाच्या नेत्या रुपाली ठोंबरे पाटील यांनी चाकणकरांवर गंभीर आरोप केले आहेत. “त्या टेबलवर आमच्या महिलांची देवाच्या नावाखाली इज्जत लुटली गेली,” असे वक्तव्य करत त्यांनी संताप व्यक्त केला. महिलांच्या तक्रारी समोर येत असतानाही योग्य कारवाई झाली नसल्याचा आरोप त्यांनी केला.
रुपाली चाकणकर यांनी मात्र संबंधित जमीन व्यवहाराशी आपला कोणताही संबंध नसल्याचे पुन्हा स्पष्ट केले. तसेच, आपल्याविरोधात चुकीची माहिती पसरवणाऱ्यांना कायदेशीर नोटीस पाठवण्यात आल्याचे त्यांनी सांगितले. आशा मिरगेसह काही जणांना दिल्ली उच्च न्यायालयात उपस्थित राहावे लागणार असल्याचेही त्यांनी म्हटले आहे. या आरोप-प्रत्यारोपांमुळे प्रकरणाला आता नवे राजकीय वळण मिळाले आहे.
