Samruddhi Expressway Toll Hike : ‘समृद्धी’वरून प्रवास करताय? आजपासून टोल वाढ, तुमच्या वाहनाला किती लागणार शुल्क?

तुम्ही समृद्धी महामार्गावरून प्रवास करत असाल तर तुमच्यासाठी ही मोठी आणि महत्त्वाची बातमी आहे. कारण आजपासून अर्थात १ एप्रिलपासून समृद्धी महामार्गावरील टोलचे दर वाढले आहेत. समृद्धी महामार्गावरून प्रवास आजपासून महागला असून या महामार्गावरील टोल दरात १९ टक्क्यांची वाढ झाली आहे. दरम्यान, नागपूर ते मुंबई या ७०१ किमी अंतरापैकी नागपूर ते इगतपुरी हा ६२५ किमीचा मार्ग सुरू आहे, येत्या महिनाभरात इगतपुरी ते आमने हा उर्वरित ७६ किमीचा मार्गही सेवेत दाखल होणार आहे. मात्र हा संपूर्ण महामार्ग खुला होण्यापूर्वीच टोलमध्ये मोठी वाढ करण्यात आली आहे. संपूर्ण महामार्ग खुला होण्यापूर्वीच MSRDC (महाराष्ट्र राज्य रस्ते विकास महामंडळ) कडून ही मोठी टोल वाढ करण्यात आल्याने समृद्धी महामार्गावरून प्रवास करणाऱ्या वाहन चालक, मालकांमध्ये नाराजी दिसतेय.

‘समृद्धी’वरील प्रवासासाठी किती टोल?