यवतमाळ : खासदार भावना गवळी यांच्यासोबत माझे कुठलेही वाद नाहीत. त्या शिवसेनेच्या खासदार आहेत. आमच्या नेत्या आहेत. त्यांच्या मार्गदर्शनात काम करू, असं स्पष्टीकरण मंत्री संजय राठोड यांनी दिलं. ते म्हणाले, जिल्हाधिकारी कार्यालयात आढावा घेऊन विकासकामांची सुरुवात करणार आहे. माझ्या मतदारसंघातही बरीच कामं करायची आहेत. जे खातं मला मिळणार त्या खात्याच्या माध्यमातून राज्यभर काम करणार असल्याचं मंत्री संजय राठोड म्हणाले. पूजा चव्हाण प्रकरणात संजय राठोड यांच्यावर आरोप करण्यात आले. त्यावर ते म्हणाले, ती दुर्दैवी घटना होती. अधिकरच भाष्य करणार नाही. माझ्यासाठी संपला आहे. माझं कुटुंब आहे. आईवडील आहेत. असा विषय काढून घरच्यांना वाईट वाटू नये. कायदेशीर माध्यमातून लढाव. बिनबुडाचे आरोप करू नये.