मुंबई : मागील काही दिवसांपासून नेत्यांच्या वाढलेल्या भेटींमुळे राज्यातील राजकारण तापलं आहे. त्यानंतर आता राष्ट्रवादीचे अध्यक्ष शरद पवार यांनी पंतप्रधान नरेंद्र मोदी यांची दिल्लीमध्ये भेट घेतली. पवार-मोदी या भेटीनंतर शिवसेनेचे खासदार संजय राऊत यांनीसुद्धा शरद पवार यांची भेट घेतली आहे. संजय राऊत यांनी पवार यांची भेट घेतल्यामुळे तर्कवितर्कांना उधाण आले आहे. या भेटीचे नेमके कारण काय असावे, यावेळी कोणत्या विषयांवर चर्चा झाली असावी, असे प्रश्न विचारले जात आहेत.