Sanjay Shirsat : सुनेत्रा पवार यांची भूमिका अस्पष्टच… संजय शिरसाट नेमकं काय काय म्हणाले?

शिवसेनेचे नेते संजय शिरसाट यांनी राष्ट्रवादी काँग्रेसच्या एकत्रीकरणाबाबत सुरू असलेल्या चर्चांवर आणि हसन मुश्रीफ यांच्या टीकेला सडेतोड प्रत्युत्तर दिले आहे. शिरसाट यांनी स्पष्ट केले की, कोणतेही मोठे निर्णय घेताना महायुतीमधील घटक पक्षांना विश्वासात घेणे आवश्यक आहे. शरद पवार यांच्या नेतृत्वाखालील काँग्रेस आणि अजित पवार यांच्या नेतृत्वाखालील राष्ट्रवादी यांच्यात सध्या सुरू असलेल्या घडामोडींवर लगेच भाष्य करणे योग्य नाही, असे ते म्हणाले.

हसन मुश्रीफ यांनी शिरसाट यांच्या विलिनीकरणाच्या वक्तव्यावर टीका करत मिठाचा खडा टाकू नये असे म्हटले होते. यावर शिरसाट यांनी मी राष्ट्रवादीवर टीका केलेली नाही असे स्पष्ट केले. त्यांच्या मते, राष्ट्रवादी काँग्रेसमधील अंतर्गत कलहामुळे तिसरा पक्ष उदयास येऊ शकतो. “मला बोलायला भाग पाडल्यास मी कोणतीही दयामाया करणार नाही,” असा इशाराही त्यांनी मुश्रीफ यांना दिला. उपमुख्यमंत्री एकनाथ शिंदे यांच्या भाजपसोबत असताना दोन्ही राष्ट्रवादी एकत्र येणार नाहीत या वक्तव्याचे संजय शिरसाट यांनी अत्यंत विचारपूर्वक केलेले असे म्हणत समर्थन केले. रोहित पवार यांनी याला सत्तेचा अहंकार म्हटले होते.