प्रदीप पूर्णेकर प्रकरणानंतर मोठा निर्णय! शिंदे गटातील मीनाक्षी शिंदे यांच्या घराबाहेर…

प्रदीप पूर्णेकर प्रकरणात आता नवे वळण आले आहे. शिंदेसेनेच्या मीनाक्षी शिंदे यांच्यावर पूर्णेकर कुटुंबीयांनी गंभीर आरोप केले आहेत. या आरोपांनंतर मीनाक्षी शिंदे उद्या पत्रकार परिषद घेणार आहेत. त्यांच्या घराबाहेर पोलिसांचा बंदोबस्तही वाढवण्यात आला आहे.

या प्रकरणातील संशयित पप्या शिंदेच्या आईने धक्कादायक दावा केला आहे. त्यांच्या मते, टल्ली नावाचा व्यक्ती या प्रकरणाचा मुख्य सूत्रधार आहे. टल्ली हा मीनाक्षी शिंदे यांच्या संपर्कात असायचा, असा दावाही त्यांनी केला आहे. पप्या शिंदेच्या आईने सांगितले की, माझ्या मुलाला या कटाबद्दल काहीच माहिती नव्हती आणि त्याला राजकारणामुळे या प्रकरणात ओढले जात आहे.

पप्या शिंदेच्या आईने घटनेच्या दिवशीचे सीसीटीव्ही फुटेज तपासण्याची मागणी केली आहे. गाडी स्पीड ब्रेकरवर थांबली तेव्हा पप्या गाडीतून उतरला होता. त्याने गाडी थांबवली नसती किंवा पूर्णेकरांना रुग्णालयात नेले नसते, तर त्याला उचलून नेले नसते, असेही त्यांनी म्हटले आहे. या सर्व आरोपांमुळे प्रदीप पूर्णेकर प्रकरणातील गुंतागुंत वाढत चालली आहे.