Sharad Pawar Health Update : शरद पवार पुन्हा रुग्णालयात दाखल; ब्रीच कँडी रुग्णालयात वैद्यकीय तपासण्या सुरू

राष्ट्रवादी काँग्रेसचे अध्यक्ष शरद पवार यांना मुंबईतील ब्रीच कँडी रुग्णालयात दाखल करण्यात आले आहे. तब्येतीच्या पुढील तपासणीसाठी त्यांना रुग्णालयात नेण्यात आले असल्याची माहिती खासदार सुप्रिया सुळे यांनी दिली आहे. सध्या त्यांच्या तब्येतीविषयीचे हे अपडेट्स समोर आले आहेत.

काही दिवसांपूर्वी शरद पवार यांना कफचा त्रास जाणवत होता. या त्रासामुळे त्यांना पुण्यातील रुबी रुग्णालयात उपचारासाठी दाखल करण्यात आले होते. रुबी रुग्णालयात उपचार घेतल्यानंतर त्यांना आज सकाळी डिस्चार्ज देण्यात आला होता. मात्र, डॉक्टरांच्या सल्ल्यानुसार पुढील तपासण्यांसाठी आणि आवश्यक वैद्यकीय चाचण्यांसाठी त्यांना पुन्हा रुग्णालयात दाखल करण्यात आले आहे. यावेळी त्यांना मुंबईतील ब्रीच कँडी रुग्णालयात दाखल करण्यात आले आहे.

सुप्रिया सुळे यांनी दिलेल्या माहितीनुसार, ही तपासणी त्यांच्या नियमित आरोग्य तपासणीचा एक भाग आहे. सध्या डॉक्टरांची एक टीम त्यांच्या प्रकृतीवर बारकाईने लक्ष ठेवून आहे. शरद पवार यांच्या आरोग्याशी संबंधित प्रत्येक अपडेटवर राजकीय वर्तुळात आणि त्यांच्या कार्यकर्त्यांमध्ये लक्ष लागून राहिले आहे.