Sharad Pawar Health Update : आत्ताच्या 3 महत्त्वाच्या घडामोडी; शरद पवारांना रुग्णालयातून डिस्चार्ज, तर….

राष्ट्रवादी काँग्रेसचे अध्यक्ष शरद पवार यांना दोन दिवसांच्या उपचारानंतर मुंबईतील ब्रीच कँडी रुग्णालयातून डिस्चार्ज मिळाला आहे. त्यांची प्रकृती आता स्थिर असून ते घरी परतले आहेत. गेल्या काही दिवसांपासून त्यांच्या तब्येतीबद्दल चर्चा सुरू होती आणि आता त्यांना वैद्यकीय निरीक्षणातून मुक्त करण्यात आले आहे.

शरद पवार रुग्णालयात दाखल असताना, त्यांच्या भेटीगाठींवरून काही महत्त्वाच्या घडामोडी समोर आल्या आहेत. मिळालेल्या माहितीनुसार, त्यांच्या सूनबाई सुनेत्रा पवार यांनी त्यांची रुग्णालयात भेट घेतली नाही. ही बाब राजकीय वर्तुळात चर्चेचा विषय ठरली आहे. सूत्रांकडून मिळालेल्या माहितीनुसार, उपमुख्यमंत्री कार्यालयाने शरद पवारांच्या भेटीसाठी तीन वेळा वेळ मागितली होती. मात्र, ही भेट होऊ शकली नाही.

याच दरम्यान, शरद पवारांचे नातू पार्थ पवार यांनीही रुग्णालयात त्यांची भेट घेतली नाही. ही बाबही लक्षणीय मानली जात आहे. दुसरीकडे, शरद पवारांचे आणखी एक नातू जय पवार यांनी मात्र आपल्या आजोबांच्या तब्येतीची विचारपूस करण्यासाठी त्यांना फोन केला होता. या घडामोडींमुळे राजकीय वर्तुळात अनेक तर्कवितर्क लावले जात असले तरी, सध्या शरद पवारांची प्रकृती ठीक असल्याची माहिती मिळाली आहे.