पिंपरी चिंचवड : भगतसिंग कोश्यारी राज्यपालपदावरून पायउतार झाले. त्यांच्या जागी आता रमेश बैस राज्याचे नवे राज्यपाल झाले आहेत. त्यावर राष्ट्रवादीचे अध्यक्ष शरद पवार यांनी भाष्य केलंय. भगतसिंग कोश्यारी महाराष्ट्रातून गेले. त्यामुळे सर्वात जास्त मी संतुष्ट आहे, असं शरद पवार म्हणालेत. भाजपचे उद्योग तुम्हाला माहितीच आहेत. पण आणखी पाहायचे असतील तर एकनाथ खडसे आहेत ते सांगतील, असंही शरद पवार म्हणालेत. ते पिंपरी-चिंचवडमध्ये बोलत होते.