Sharad Pawar Health Update : शरद पवारांवर मुंबईतील ब्रीच कँडी रुग्णालयात उपचार सुरु
शरद पवारांवर सध्या मुंबईतील ब्रीच कँडी रुग्णालयात खोकला आणि कफाच्या त्रासावर उपचार सुरू आहेत. त्यांची प्रकृती स्थिर असून लवकरच त्यांना डिस्चार्ज मिळेल, अशी डॉक्टरांनी माहिती दिली आहे. पुण्यातून डिस्चार्ज मिळाल्यानंतर त्यांना मुंबईत दाखल करण्यात आले होते. विश्रांतीसाठी पवारांचे काही दिवसांचे दौरे रद्द करण्यात आले आहेत.
शरद पवार यांच्यावर मुंबईतील ब्रीच कँडी रुग्णालयात उपचार सुरू आहेत. त्यांची प्रकृती स्थिर असल्याची माहिती डॉक्टरांनी दिली आहे. त्यांना खोकला आणि कफाचा त्रास होत असल्याने रुग्णालयात दाखल करण्यात आले आहे. आवश्यक उपचार पूर्ण झाल्यानंतर लवकरच त्यांना डिस्चार्ज दिला जाईल.
काल पुण्यातून रुबी हॉस्पिटलमधून डिस्चार्ज मिळाल्यानंतर रात्री उशिरा त्यांना मुंबईतील ब्रीच कँडी रुग्णालयात दाखल करण्यात आले. डॉक्टर प्रतीत समदानी यांनी दिलेल्या माहितीनुसार, डॉक्टरांचे एक पथक पवारांच्या आरोग्यावर सतत लक्ष ठेवून आहे.
पुण्यातून डिस्चार्ज मिळाल्यावर डॉक्टरांनी पवारांना आराम करण्याचा सल्ला दिला होता. त्यानुसार ते मुंबईतील सिल्व्हर ओक या त्यांच्या निवासस्थानी पोहोचले. मात्र, रात्रीच्या सुमारास त्यांना ब्रीच कँडी रुग्णालयात दाखल करण्यात आले. सध्या त्यांची प्रकृती स्थिर असली तरी, त्यांना पूर्ण आराम मिळावा आणि प्रकृतीत सुधारणा व्हावी यासाठी त्यांचे पुढील काही दिवसांचे सार्वजनिक दौरे रद्द करण्यात आले आहेत.
