Solapur Crime : संतापजनक! 68 वर्षीय वृद्धाकडून 3 शाळकरी मुलींचा विनयभंग

सोलापूर येथे एका 68 वर्षीय वृद्धाकडून 3 शाळकरी मुलींचा विनयभंग करण्यात आला असल्याची धक्कादायक घटना घडली आहे. मुलींना पाहून अश्लील वर्तन केल्याप्रकरणी या वृद्धावर पोलिसात गुन्हा दाखल करण्यात आला आहे. या प्रकरणी शाळेतील मुख्याध्यापकांनी दिलेल्या तक्रारी गुन्हा नोंदवण्यात आला आहे. गुन्हा दाखल झाल्यानंतर या आरोपीला पोलिसांनी अटक केली आहे. आज त्याला कोर्टात हजर केलं जाणार आहे. या वृद्ध व्यक्तीने शाळेत शिकणाऱ्या 13 वर्षीय तीन मुलींना पाहून अश्लील वर्तन केल्याचा आरोप करण्यात आला आहे. याच आरोपाअंतर्गत त्याच्या विरुद्ध जेलरोड पोलीस ठाण्यात गुन्हा दाखल करण्यात आला आहे.