ढगफुटीसदृश्य पावसाने सोलापूरत हाहाकार! काय आहे सद्यस्थिती?
सोलापूर आणि अक्कलकोट तालुक्यात मुसळधार पावसामुळे भीषण पूरस्थिती निर्माण झाली आहे. घरं, रस्ते आणि शेती पाण्याखाली गेली आहेत. नागरिकांना मोठे नुकसान सोसावे लागले असून, प्रशासनाने मदतकार्य सुरू केले आहे. 256 गाळा परिसर सर्वात जास्त प्रभावित झाला आहे.
सोलापूर जिल्ह्यात झालेल्या अतिवृष्टीमुळे मोठ्या प्रमाणात पूर आला आहे. सोलापूर शहरासह अक्कलकोट तालुक्यातील अनेक गावांना याचा फटका बसला आहे. मुसळधार पावसामुळे घरे, रस्ते, गाड्या आणि शेती पाण्याखाली गेली आहेत. 256 गाळा परिसर आणि अक्कलकोट रोडवरील वज्रेश्वरी नगर परिसरात पाणी घरात शिरले आहे. कापड कारखाने आणि विडी कारखान्यांनाही मोठे नुकसान झाले आहे. सोलापूर-धुळे राष्ट्रीय महामार्ग बंद झाला होता. नागरिकांचे मोठे आर्थिक आणि मानवी नुकसान झाले असून, प्रशासनाने मदतकार्य आणि पंचनामे सुरू केले आहेत. अनेक नागरिकांनी प्रशासनाकडे कायमस्वरूपी उपाययोजना करण्याची मागणी केली आहे.
Published on: Sep 12, 2025 9:26 AM
Loading...
Unable to load recommendations.
Follow Us
