मुंबई : राज्यातील महाविकास आघाडी सरकार पडल्यातच जमा असल्याचं अनेक जन बोलत आहेत. तर याला कारण शिवसेना नेते एकनाथ शिंदे यांचे बंड ठरले आहे. ज्यात शिवसेनेसह अपक्ष आमदार देखील सहभागी झाले आहेत. त्यामुळे काँग्रेस-राष्ट्रवादी मधील काही आमदार फुटणार का? की काँग्रेस-राष्ट्रवादी पांठिबा काढणार का असा सवाल उपस्थित केला जात आहे. यावेळी राष्ट्रावादीचे सर्वेसर्वा शरद पवार आणि उपमुख्यमंत्री अजित पवार यांनी आधीच आपली भूमिका स्पष्ट केली आहे. तर काँग्रेसने देखील आपली भूमिका स्पष्ट करताना आम्ही मुख्यमंत्री उद्धव ठाकरे यांच्या मागे ठामपणे उभे असल्याचे म्हटलं आहे. त्याच दरम्यान सोलापूरच्या आमदार प्रणिती शिंदे यांनी देखील काँग्रेस या बिघलेल्या घडीत काँग्रेस महाविकास आघाडीत आहे असे म्हटलं आहे. तर आम्ही यातून 100 टक्के बाहेर पडू असा विश्वास त्यांनी दाखवला आहे. त्यावेळी प्रणिती शिंदे यांनी काँग्रेसचा पाठिंबा नसता तर महाविकास आघाडी सरकार नसतं असेही म्हटलं आहे. ज्यामुळे पुन्हा वादाची ठिणगी पडली आहे.