सर्वसामन्यासाठी आनंदाची बातमी! अखेर साखरेच्या दरात मोठी घसरण; किती रुपयांनी घट झाली?

गेल्या काही दिवसांपासून साखरेच्या दरामध्ये दिसून आलेली तेजी आता संपुष्टात आली आहे. आठवडाभरातच साखरेच्या दरावर लगाम घालण्यात आला असून, प्रति क्विंटल पंधराशे रुपयांनी दरात घट झाली आहे. या घसरणीमुळे सर्वसामान्य ग्राहकांना मोठा दिलासा मिळाला आहे. साखरेचे दर आता प्रति किलो 45 ते 55 रुपयांवर स्थिर झाले आहेत, ज्यामध्ये सुमारे 18 टक्क्यांची घट नोंदवली गेली आहे. साखरेच्या पुरेशा साठ्यासाठी विशेष मोहीम राबवली जाणार असल्याची माहिती मिळत आहे. या संदर्भात, राज्य आणि राष्ट्रीय साखर संघांनी देशात पुरेसा साखर साठा उपलब्ध असल्याचे स्पष्ट केले आहे. त्यामुळे भविष्यात साखरेची कमतरता भासणार नाही, अशी ग्वाही देण्यात आली आहे.