Sumeet Raghavan : वर्ल्ड कप जिंकला तर रस्त्यावर नाचूया, पण धर्म-सण…; DJच्या मुद्द्यावर सुमित राघवन स्पष्टच बोलले

अभिनेता सुमित राघवन यांनी नुकतेच धर्म आणि सण याबाबत एक महत्त्वाचे मत मांडले आहे. त्यांच्या मते, धर्म किंवा सण हे घरापुरतेच मर्यादित ठेवले पाहिजेत. विद्यानंद बापट यांच्या गौरव सोहळ्यामध्ये व्यक्त केलेल्या या मतामुळे सध्या चर्चेला सुरुवात झाली आहे.

राघवन म्हणाले की, “धर्म असो किंवा सण, तो घरापुरताच मर्यादित ठेवावा.” त्यांनी यावर अधिक प्रकाश टाकताना एक उदाहरण दिले. ते म्हणाले, “जर आपल्या मुली किंवा मुले वर्ल्ड कप जिंकून आले, तर आपण सगळ्यांनी मिळून जल्लोष करूया. आपण सगळ्यांनी मिळून रस्त्यावर नाचूया.” मात्र, धर्म आणि सणांच्या बाबतीत सार्वजनिक ठिकाणी उत्सव साजरा करण्याऐवजी तो वैयक्तिक ठेवावा असे त्यांचे मत आहे.

डीजे विरोधातील लढ्याबाबतही त्यांनी आपले मत मांडले. त्यांना जेव्हा “ते लोक करतात” असे म्हटले गेले, तेव्हा त्यांनी “अहो, ते करू देत ना. या व्हॉटअबाऊटरी मध्ये आपण नको पडायला,” असे म्हटले. सुमित राघवन यांच्या या विधानामुळे सामाजिक आणि सांस्कृतिक समारंभांच्या पद्धतींवर नव्याने चर्चा सुरू झाली आहे.