सुनेत्रा पवार यांच्या बैठकांचं सत्र; विजयी उमेदवारांना भेटणार
सुनेत्रा पवार सध्या पुण्यात जिल्हा परिषद निवडणुकीतील विजयी उमेदवारांशी संवाद साधत आहेत. जिल्हा परिषद अध्यक्षपदावरही या बैठकांमध्ये चर्चा अपेक्षित आहे. पालकमंत्री चंद्रकांत पाटलांनी त्यांना अजित पवारांसारखा आदरयुक्त धाक प्रशासनावर निर्माण करण्याचा सल्ला दिला आहे. पवारांची कार्यशैली अजितदादांसारखी शिस्तबद्ध आणि चोख असल्याचे दिसून येत आहे.
सुनेत्रा पवार सध्या पुण्यात असून त्यांनी सर्किट हाऊसमध्ये महत्त्वाच्या बैठकांचे आयोजन केले आहे. जिल्हा परिषद निवडणुकीतील विजयी उमेदवारांसोबत त्या संवाद साधत आहेत. या बैठकांमध्ये जिल्हा परिषदेच्या अध्यक्षपदासाठीच्या नावांवरही चर्चा होण्याची शक्यता आहे. अजित पवारांच्या राष्ट्रवादी काँग्रेसला जिल्हा परिषदेमध्ये मिळालेल्या यशानंतर या बैठकांना महत्त्व प्राप्त झाले आहे.
दरम्यान, पालकमंत्री चंद्रकांत पाटलांनी सुनेत्रा पवारांना प्रशासनावर अजित पवारांसारखा ‘आदरयुक्त धाक’ निर्माण करण्याचा सल्ला दिला आहे. पुणे आणि बीड जिल्ह्यांच्या नियोजन समित्यांच्या बैठकीत त्यांनी अधिकाऱ्यांना चांगल्या दर्जाची कामे वेळेत पूर्ण करण्याचे निर्देश दिले. या बैठकांमध्ये सुनेत्रा पवारांची कार्यशैली अजित पवारांसारखी शिस्तबद्ध आणि चोख असल्याचे दिसून आले. दुसरीकडे, शरद पवार यांना खोकला आणि श्वसनाच्या त्रासामुळे रुग्णालयात दाखल करण्यात आले होते. त्यांची प्रकृती सुधारल्याने त्यांना आज रुग्णालयातून डिस्चार्ज मिळण्याची शक्यता आहे.
