Donald Trump : आमचीच मध्यस्थी… भारत-पाकिस्तानचा वाद अमेरिकेने मिटवला, डोनाल्ड ट्रम्प यांचा पुनरूच्चार; आता म्हणाले….

अमेरिकेने यशस्वी मध्यस्थी करत भारत-पाकमधला वाद मिटवला असं अमेरिकेचे राष्ट्राध्यक्ष डोनाल्ड ट्रम्प यांनी म्हटलं आहे. दोन्ही देशांकडे अत्यंत मजबूत नेतृत्व असल्याचेही ट्रम्प यांनी म्हटलं आहे. दोन्ही प्रमुखांना म्हणालो, वाद नको, व्यापार करू असं ट्रम्प यांनी म्हटले. भारत आणि पाकिस्तान यांच्यातील वाद मिटवण्यामध्ये जे.डी व्हान्स, मार्को रूबियो यांची भूमिका देखील महत्त्वाची होती, असंही डोनाल्ड ट्रम्प यांनी म्हटलं आहे.

भारत आणि पाकिस्तानमधील वाढता तणाव थांबवण्यासाठी अमेरिका प्रशासनाने युद्धबंदी करून वाद मिटवला, असा दावा डोनाल्ड ट्रम्प यांनी केला. ट्रम्प म्हणाले की अमेरिका प्रशासनाने हिंसाचार कमी करण्यासाठी व्यापार करारांचा वापर केला आणि दोन्ही देशांच्या नेत्यांना मजबूत असल्याचे म्हटले. दरम्यान, भारत सरकारने ट्रम्प यांचा हा दावा फेटाळून लावला होता. आणि भारत सरकारने आधीच स्पष्ट केले की, युद्धबंदीबाबत अमेरिकेसोबत व्यापारासंदर्भात कोणतीही चर्चा झालेली नाही.