सांगलीच्या मिरज तालुक्यातील एरंडोली-गुंडेवाडी रस्त्यावर महिलांचे सोने चोरून पळ काढणाऱ्या चोरट्याला ग्रामस्थांनी बेदम मारहाण केली आहे. या घटनेचा व्हिडीओ सध्या सोशल मीडियावर चांगलाच व्हायरल होत आहे. याच रस्त्यावर चोरट्यांनी यापूर्वी अनेक चोऱ्या केल्या आहेत. त्यामुळे महिला आणि ग्रामस्थांमध्ये भीतीचे वातावरण निर्माण झाले होते. आकाश मारुती हाराळे उर्फ कांबळे असे चोप दिलेल्या चोरट्याचे नाव आहे. तो कर्नाटक राज्यातील रहिवासी आहे.