VSR कंपनीच्या मालकाची CID चौकशी सुरू; जय पवारांच्या ट्विटनंतर कारवाई

VSR कंपनीचे मालक रोहित सिंह यांची पुण्यातील CID कार्यालयात चौकशी सुरू झाली आहे. जय पवार यांनी रोहित सिंह यांचा एक व्हिडीओ ट्वीट केला होता, ज्यामध्ये ते पायलटच्या शेजारी झोपलेले दिसत होते. या व्हिडीओनंतर अनेक टीकाटिप्पणी झाली आणि चौकशीची मागणी करण्यात आली.

याआधीही दिवंगत नेते अजित पवार यांच्या अपघातानंतर VSR कंपनीबाबत अनेक प्रश्नचिन्ह उपस्थित केले गेले होते. आमदार रोहित पवार यांनीही सातत्याने VSR कंपनीवर प्रश्नचिन्ह उपस्थित केले आहेत. CID ने यापूर्वीही VSR कंपनीच्या विविध अधिकाऱ्यांची चौकशी केली होती. आता खुद्द मालक रोहित सिंह यांची चौकशी सुरू झाल्याने, ही तपासणी महत्त्वपूर्ण मानली जात आहे. VSR कंपनी सध्या वादाच्या भोवऱ्यात सापडलेली आहे.