असं काय घडलं? पत्रकार परिषदेतच सुषमा अंधारे यांना रडू कोसळलं?

नागपूर | 19 ऑक्टोंबर 2023 : ललित पाटील काल पोलिसांच्या स्वाधीन झाला. त्यानंतर देवेंद्र फडणवीस यांनी आमच्याकडे काही माहिती आली आहे. बोलणाऱ्यांची तोंड बंद होतील. हा काय आहे हा? हा इशारा आहे का? असा थेट सवाल शिवसेना ठाकरे गटाच्या उपनेत्या सुषमा अंधारे यांनी केला. नागपूर येथे पत्रकार परिषदेत सुषमा अंधारे यांनी मंत्री दादा भुसे, मंत्री शंभूराज देसाई यांच्यावर टीका केली. देवेंद्र फडणवीस यांनी काल चाळीस सेकंदाचा बाईट दिला. पण, काल माझ्या मेंदूत काही घुसत नव्हतं. कारण माझ्या भावाचा अपघात झाला होता. मी disturb होते असे सांगताना त्या भावूक झाल्या होत्या. तुम्ही म्हणालात की बोलणाऱ्यांची तोंड बंद होतील. काय आहे हा? हा इशारा आहे. धमकी आहे. तोंड बंद कराल म्हणजे काय कराल? संपवून टाकाल. पण, मी डगमगणार नाही. घाबरणार तर अजिबात नाही असे सुषमा अंधारे म्हणाल्या.