मुख्यमंत्री म्हणाले 50-50 ठरलंच नाही, संजय राऊत यांनी ‘तो’ व्हिडीओच लावला

'सत्ता, पद आणि जबाबदाऱ्यांचे समान वाटप होईल, असं मुख्यमंत्री स्वतः सांगत आहेत. याचा अर्थ समजून घ्यायचा, डिक्शनरीमधील व्याख्या अजून बदललेल्या नाहीत.' असं संजय राऊत यांनी ठणकावून सांगितलं.

मुख्यमंत्री म्हणाले 50-50 ठरलंच नाही, संजय राऊत यांनी 'तो' व्हिडीओच लावला
Follow us
| Updated on: Oct 29, 2019 | 2:22 PM

मुंबई : अडीच-अडीच वर्ष मुख्यमंत्रिपदाचा फॉर्म्युला ठरलाच नव्हता, असा दावा मुख्यमंत्री देवेंद्र फडणवीस केल्यानंतर शिवसेना खासदार संजय राऊत यांनी फडणवीसांना त्यांचाच व्हिडीओ दाखवत फॉर्म्युलाची आठवण करुन (Sanjay Raut to Devendra Fadanvis) दिली आहे. ‘सत्ता, पद आणि जबाबदाऱ्यांचे समान वाटप होईल, असं मुख्यमंत्री स्वतः सांगत आहेत’ असं म्हणत संजय राऊत यांनी 50-50 च्या फॉर्म्युलाकडे भाजपचं लक्ष वेधलं.

अडीच-अडीच वर्ष मुख्यमंत्रिपदाचा फॉर्म्युला ठरलाच नव्हता, या देवेंद्र फडणवीसांच्या दाव्यावरुन ‘टीव्ही9 मराठी’ने संजय राऊत यांना प्रश्न विचारला. त्यावर उत्तर देण्याआधीच राऊत यांनी मुख्यमंत्री देवेंद्र फडणवीस यांचा एक जुना व्हिडीओ लावून दाखवला. लोकसभा निवडणुकांपूर्वी म्हणजेच 18 फेब्रुवारी 2019 रोजी युतीची घोषणा करतानाचा हा देवेंद्र फडणवीसांचा व्हिडीओ आहे.

‘सत्ता, पद आणि जबाबदाऱ्यांचे समान वाटप होईल, असं मुख्यमंत्री स्वतः सांगत आहेत. याचा अर्थ समजून घ्यायचा, डिक्शनरीमधील व्याख्या अजून बदललेल्या नाहीत.’ असं संजय राऊत यांनी ठणकावून सांगितलं.

अडीच-अडीच वर्ष मुख्यमंत्रिपदाचा फॉर्म्युला ठरलाच नव्हता, असा दावा करत मुख्यमंत्री देवेंद्र फडणवीस यांनी शिवसेनेला चांगलंच अडचणीत आणलं आहे. ‘वाटायला काय, त्यांना पाचही वर्ष मुख्यमंत्रिपद पाहिजे, असं वाटू शकतं’, असा टोमणाही फडणवीसांनी लगावला. दिवाळीनिमित्त पत्रकारांसोबत रंगलेल्या अनौपचारिक गप्पांदरम्यान देवेंद्र फडणवीस यांनी अनेक गौप्यस्फोट केले.

‘राजकारणात मुख्यमंत्रिपदाची महत्त्वाकांक्षा आहे की नाही हे आम्ही ठरवू. आम्ही काँग्रेस आणि राष्ट्रवादीविरोधात लिहिलं म्हणून 2014 मध्ये सरकार आलं, हे विसरु नका’ अशा शब्दात संजय राऊत यांनी भाजपला सुनावलं. मी ‘सामना’मधून पक्षाच्याच भूमिका मांडतो. ज्या निवडणुकांपूर्वी भूमिका ठरल्या होत्या, त्या द्या, असंही राऊत म्हणाले. ‘सामना’वर आमची नाराजी आहे. राष्ट्रवादी आणि काँग्रेसच्याविरोधात तर असं लिहून पहा, असं मुख्यमंत्री म्हणाले होते.

‘त्यांच्याकडे 146 आमदारांचं संख्याबळ असेल, तर त्यांना कोण रोखणार? मी किंवा प्रकाश आंबेडकर किंवा चंद्रकांत पाटील, शरद पवार कोणीही म्हणालं, आमच्याकडे 146 आमदारांचं संख्याबळ आहे, तर त्यांना कोण रोखणार? उद्या एकनाथ खडसे आले जळगावातून आणि म्हणाले माझ्याकडे 145 संख्याबळ आहे, तर ते मुख्यमंत्री होतील’ असं संजय राऊत (Sanjay Raut to Devendra Fadanvis) म्हणाले.

‘भाजपचे राष्ट्रीय नेत्यांनी येऊन समजूत काढण्याचा प्रश्नच येत नाही. आम्ही काय हट्टाला पेटलेले आणि चुकीच्या मागण्या करत बसलेले नाही आहोत. उद्धव ठाकरेंनी मुख्यमंत्र्यांना स्पष्ट सांगितलेलं आहे, माझ्यावर फणा काढून बोलण्याची गरज नाही’ असंही संजय राऊत यांनी स्पष्ट केलं.

संबंधित बातम्या :

शिवसेना की भाजप, कोण खोटं बोलतंय? लोकसभेपूर्वी कोणता फॉर्म्युला ठरला?

मीच मुख्यमंत्री, आदित्यला काय ते शिवसेना ठरवेल, मुख्यमंत्र्यांची महत्त्वाची 10 विधाने

अडीच-अडीच वर्ष मुख्यमंत्रिपदाचा फॉर्म्युला ठरलाच नव्हता : मुख्यमंत्री

पावसात भिजावं लागतं, हा अनुभव कमी पडला, फडणवीसांचे पवारांना चिमटे

मी 5 वर्ष मुख्यमंत्री राहील याबाबत काहीही शंका नाही : देवेंद्र फडणवीस

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.