वीज जोडणी मिळाली नाही, मात्र 34 हजारांचं बील पोहोचलं, नांदेडच्या शेतकऱ्याला धक्का

नांदेड: वाढीव वीज बिलांमुळे महावितरणची सातत्यानं चर्चा होत आहे. महावितरणकडून अनेकदा चुकीची वीज बिल पाठवली गेल्याचही यापूर्वी उघड झालं आहे. नांदेड जिल्हयातील एका शेतकऱ्याला वीज जोडणी नसतानाही महावितरणनं बिल पाठवून दिल्याचा धक्कादायक प्रकार उघडकीस आला आहे. कंधार तालुक्यातील शेतकऱ्याच्या शेतामध्ये वीज पोहोचली नाही मात्र वीज बिल पोहोचल्याची चर्चा जोरदारपणे सुरु आहे. (Mahadiscom send electricity bill to farmer in Nanded who don’t have connection)

नक्की काय घडलं?

नांदेड जिल्ह्यातील कंधार तालुक्यातील जंगमवाडी गावातील शेतकऱ्याला महावितरणनं वीज बिल पाठवलं आहे. लाईट शेतात पोहोचली नाही पण बिल आल्याने शेतकरी मोठ्या संकटात सापडलाय. पिराजी झम्पलवाड या शेतकऱ्याने वीज जोडणीसाठी 2014 साली अर्ज केला होता. या शेतकऱ्यांने आपल्या विहिरीसाठी कृषिपंपाचे रीतसर कोटेशन भरले होते. महावितरणनं पिराजी झम्पलवाड यांना आजतागायत त्यांना विज जोडणी दिली नाही. मात्र, 34 हजारांचे लाईट बिल या शेतकऱ्याला पाठवून महावितरण कंपनीने विक्रम प्रस्थापित केलाय.

पिराजी झम्पलवाड काय म्हणतात?

2014 मध्ये कोटेशन काढले होते. महावितरण कार्यालयात चकरा मारल्या पण वीज जोडणी मिळाली नाही. मायबाप सरकारनं पाठवलेलं वीज बिल माफ करावं, अशी मागणी पिराजी झम्पलवाड यांनी केलीय. वीज बिल माफ केलं नाही तर जगाव की मराव असा प्रश्न निर्माण झाल्याचं शेतकरी झम्पलवाड यांनी म्हटलंय.

भातगिरणी मालकाला 80 कोटींचं बिल; महावितरणाकडून चुकीची दुरुस्ती#ricemillowner #lightbillhttps://t.co/lb8LA2vArw

— TV9 Marathi (@TV9Marathi) February 24, 2021

वसईत भातगिरणी मालकाला 80 कोटींचं बील, नंतर दुरुस्ती

वसईत एका भात गिरणी मालकाला दोन महिन्यांच तब्बल 80 कोटी वीजबिल एकच खळबळ उडाली होती. एवढ्या प्रचंड रकमेचं बिल हाती येताच गिरणी मालकाला चांगलाच धक्का बसला होता. मात्र महावितरणाने आपल्या चुकीची दुरुस्ती करून गिरणीमालकाला घरपोच सुधारित बिल दिले आहे. तसेच आपली चूक सुधारली. त्याचबरोबर एका कर्मचाऱ्याला निलंबित करण्यात आलंय. मीटर वाचन करणाऱ्या एजन्सीवर गुन्हाच दाखल करण्यात आलाय.

संबंधित बातम्या:

Mumbai : दोन महिन्याचं बिल पाहून रुग्णालयात दाखल करण्याची वेळ, तुम्हीही रक्कम पाहू हादराल

भातगिरणी मालकाला 80 कोटींचं बिल; महावितरणाकडून चुकीची दुरुस्ती

(Mahadiscom send electricity bill to farmer in Nanded who don’t have connection)