अवघ्या 6.8 लाखात घर घेऊन या लॅम्बोर्गिनी! ही इलेक्ट्रिक कार फुल चार्जिंगमध्ये 300 किलोमीटर दामटा

BYD Atto 1 Electric Car: इलेक्ट्रिक कार तयार करणारी कंपनी BYD ने एक खास कार बाजारात उतरवली आहे. ही कार सर्वात किफायतशीर हॅचबॅक Atto 1 कार असल्याचा दावा करण्यात येत आहे. चीन आणि फिलीपिन्सनंतर आता ही कार दक्षिण-मध्य पूर्व आशियातील बाजारात एंट्री करण्यासाठी सज्ज झाली आहे. ही कार लॅम्बोर्गिनी ऊरससारखी दिसते. तिला काही भागात सीगल असे नाव देण्यात आले आहे. या कारची चीनपासून ते जपानपर्यंत मोठी चर्चा सुरू आहे. ही कंपनी आता इतर देशातील बाजारपेठेत मुसंडी मारण्याची तयारी करत असल्याने दिग्गज कंपन्या सावध झाल्या आहेत.

इंडोनेशियात BYD Atto 1 ही कार दोन व्हेरिएंट्समध्ये सादर झाली. डायनॅमिक आणि प्रिमियम ही दोन व्हेरिएंट उपलब्ध आहेत. प्रिमियम व्हेरिएंट अत्यंत आकर्षक आहे. कंपनीने बॅटरी आणि फास्ट चार्जिंगची सोय देण्यात आली आहे. ही कार कमी किंमत आणि आकर्षक फीचर्समुळे कार प्रेमींसाठी एक खास पर्याय ठरली आहे. तर बाजारातील इतर कंपन्यांना तीव्र स्पर्धेचा सामना करावा लागत आहे.

रेंज आणि बॅटरीची कामगिरी

कामगिरी पाहता Atto 1 अत्यंत दमदार आहे. हिच्या स्टँडर्ड व्हेरिएंटमध्ये 30 kWh ची बॅटरी मिळते. तर ही कार एकदा फुल चार्ज झाल्यावर 300 किमीपर्यंत धावते. तर प्रिमियम व्हेरिएंटमध्ये 38.88 kWh चा बॅटरी पॅक आहे. एकदा फुल चार्ज झाल्यावर ही कार 380 किमी (NEDC) पर्यंत पल्ला गाठते. विशेष म्हणजे ही कार 40 kW च्या DC फास्ट चार्जरच्या मदतीने अगदी कमी कालावधीत चार्ज करता येते. ही कार शहरी ग्राहकांना खुणावत आहे.

कॉम्पॅक्ट डिझाईन

Atto 1 ला BYD ने अत्याधुनिक e-Platform 3.0 तयार केली आहे. या कारची लांबी 3,925 mm इतकी आहे. त्यामुळे अत्यंत निमुळत्या आणि अरूंद गल्ल्यांमध्ये ही कार चालवणे अत्यंत सोपे आहे. या कारचा आकार भारतात विक्री होणाऱ्या टाटा टियागो EV आणि सिट्रोएन eC3 सारखी आहे. त्यामुळे ही एक फॅमिली हॅचबॅक कार मानली जाते. इंडोनेशियातील या कारची सुरुवातीची किंमत भारतीय चलनात 6.8 लाख इतकी आहे. तर टॉप मॉडेलची किंमत 8.2 लाखांच्या जवळपास आहे. जर भारतात ही कार दाखल झाली तर अनेक दिग्गज कंपन्यांना मोठा फटका बसण्याची शक्यता आहे.