900 किमी रेंज आणि फक्त 15 मिनिटांत चार्ज! बाजारात आली दमदार इलेक्ट्रिक कार, किंमत फक्त…
एका चार्जमध्ये 900 किमी रेंज, 15 मिनिटांमध्ये चार्ज होणारी सर्वात जबरदस्त इलेक्ट्रिक कार. 9 एअरबॅग्स आणि जबरदस्त फीचर्स, किंमत फक्त...
Xiaomi SU7 : चिनी तंत्रज्ञान कंपनी Xiaomi ने आपल्या लोकप्रिय इलेक्ट्रिक कार Xiaomi SU7 ला नव्या अवतारात सादर केले आहे. नव्या जनरेशनमधील ही SU7 इलेक्ट्रिक सेडान मोठ्या अपग्रेडसह बाजारात आली असून ती Standard, Pro आणि Max अशा तीन व्हेरिएंटमध्ये उपलब्ध आहे.
चीनमध्ये या कारची सुरुवातीची किंमत सुमारे 30 लाख रुपये ठेवण्यात आली आहे. Pro व्हेरिएंटची किंमत सुमारे 34 लाख रुपये असून Max व्हेरिएंटसाठी सुमारे 41 लाख रुपये ठेवण्यात आली आहे. बाजारात या कारचा मुकाबला Tesla Model 3 सारख्या कारशी होणार आहे.
आकर्षक डिझाइन आणि प्रीमियम इंटीरियर
नवीन Xiaomi SU7 चे डिझाइन अत्यंत आकर्षक ठेवण्यात आले आहे. फास्टबॅक सेडान स्टाइल, नव्या फ्रंट फेसियामध्ये रिवाइज्ड ग्रिल आणि 4D मिलीमीटर-वेव्ह रडार देण्यात आला आहे, ज्यामुळे एरोडायनामिक्स अधिक सुधारतो. हेडलाइट्स वॉटर-ड्रॉप स्टाइलमध्ये असून टेललाइट्स हेलो डिझाइनमध्ये आहेत. यामध्ये कॉस्टल ब्लू, ब्लेजिंग रेड, विरिडियन ग्रीन, इंडिगा स्टोन ग्रीन, कॅपरी ब्लू आणि क्रिमसन सनसेट रेड असे नवीन रंग पर्याय उपलब्ध आहेत.
इंटीरियर पूर्णपणे रिडिझाइन करण्यात आले असून ते आता लक्झरी C-सेगमेंट सेडानप्रमाणे वाटते. केबिनमध्ये सॉफ्ट-टच प्रीमियम मटेरियलचा वापर करण्यात आला आहे. मोठा टचस्क्रीन डिस्प्ले, व्हेंटिलेटेड आणि हीटेड सीट्स, अधिक स्पेस आणि उत्तम कम्फर्ट यामुळे ही कार फॅमिली आणि लक्झरी दोन्हीसाठी योग्य ठरते.
फीचर्स आणि सेफ्टी
या कारमध्ये LiDAR सेंसिंग आणि Xiaomi Hyper Autonomous Driving सिस्टम देण्यात आली आहे. याशिवाय 360° प्रोटेक्शन, मोठा इन्फोटेनमेंट सिस्टम, व्हॉइस कंट्रोल आणि कनेक्टेड कार फीचर्सही उपलब्ध आहेत.
फास्ट चार्जिंगमुळे केवळ 15 मिनिटांत सुमारे 670 किमीपर्यंत रेंज वाढवता येते. सेफ्टीसाठी 2,200 MPa स्टीलने मजबूत केलेली बॉडी, 9 एअरबॅग्स, आर्मर्ड केज स्ट्रक्चर, बॅटरी फायर/एक्सप्लोजन प्रिव्हेन्शन सिस्टम आणि 16 अॅक्टिव्ह सेफ्टी फीचर्स देण्यात आले आहेत.
रेंजबाबत बोलायचे झाल्यास: Standard व्हेरिएंट – 720 किमी. Pro व्हेरिएंट – 902 किमी. Max व्हेरिएंट – 835 किमी एका चार्जमध्ये जाते. Xiaomi ची Xiaomi SU7 ही नवीन इलेक्ट्रिक कार दमदार रेंज, आधुनिक फीचर्स आणि प्रीमियम डिझाइनमुळे इलेक्ट्रिक वाहनांच्या बाजारात मोठी स्पर्धा निर्माण करू शकते.
