तुमच्या पगारानुसार कोणती कार तुमच्या बजेटमध्ये फिट बसणार? जाणून घ्या

तुम्हाला कर्जावर कार खरेदी करायची असेल तर ही बातमी नक्की वाचा. मध्यमवर्गीय व्यक्तीसाठी स्वत:ची गाडी विकत घेणं ही मोठी गोष्ट असते. एका मध्यमवर्गीय व्यक्तीची आयुष्यभराची कमाई असलेली कार विकत घेण्यासाठी लाखो रुपयांची गरज असते. त्याचबरोबर असे अनेक लोक आहेत जे बँकेकडून कार लोन घेऊन कार खरेदी करतात, त्यानंतर ते मासिक ईएमआयद्वारे कार भरतात. जर तुम्हीही नोकरदार सामान्य माणूस असाल आणि तुमच्या कुटुंबाच्या सोयीसाठी कार खरेदी करण्याचा विचार करत असाल तर ही बातमी तुमच्यासाठी खूप महत्त्वाची ठरणार आहे.

आज आम्ही तुम्हाला सांगणार आहोत की तुम्ही तुमची कार खरेदी करण्यासाठी बजेट कसे ठरवावे. चला जाणून घेऊया.

कार खरेदीचे बजेट कसे सेट करावे?

जर तुम्ही कार लोन घेऊन कार खरेदी करण्याचा विचार करत असाल तर तुम्ही तुमच्या कारचे बजेट अतिशय काळजीपूर्वक ठरवावे. तुम्ही तुमच्या पगारातून तुमच्या गाडीचं बजेट ठरवू शकता. तुमच्या कारचं बजेट तुमच्या वार्षिक उत्पन्नाच्या 50 टक्क्यांपर्यंत असू शकतं, म्हणजेच जर तुमचं वार्षिक उत्पन्न 12 लाख रुपये असेल तर तुम्ही जवळपास 6 लाख रुपयांची कार खरेदी करू शकता.

कारसाठी किती डाउन पेमेंट आवश्यक आहे?

जर तुम्ही कर्ज घेऊन कार खरेदी करत असाल तर तुम्हाला कारच्या एकूण किमतीच्या 20 टक्क्यांपर्यंत डाउन पेमेंट करावे लागेल, म्हणजेच जर तुम्ही 10 लाख रुपयांची कार खरेदी करत असाल तर तुम्हाला 2 लाख रुपये डाउन पेमेंट करावे लागेल.

मासिक ईएमआय बजेट ठरवा

तुमच्या कार लोनचा मासिक ईएमआय तुमच्या पगाराच्या 50 टक्क्यांपेक्षा जास्त नसावा. जर असे होत असेल तर तुम्ही कर्जाची मुदत वाढवून ईएमआय कमी करू शकता. याशिवाय तुमच्या कर्जाचा कालावधी कमी करण्याचा प्रयत्न करा कारण कर्जाचा कालावधी कमी झाल्याने व्याजाची रक्कम वाचू शकते.

‘हे’ देखील वाचा

काय आहे 24 तासांचा नियम?

24 तासांचा नियम सांगतो की काहीही खर्च करण्यापूर्वी 24 तास थोडं थांबा. तुम्ही जे काही खरेदी करू इच्छिता ते आपल्या कार्टमध्ये ठेवा, थांबा आणि दुसऱ्या दिवशी परत तपासा. तरी देखील तुम्हाला ते आवश्यक वाटत असेल तर ते विकत घ्या काही हरकत नाही. असं नसल्यास, तुम्ही काहीही न करता पैसे वाचवले – फक्त विचार करण्यासाठी वेळ घेतला इतकंच.