हुंडईचा मोठा धमाका! ग्रँड i10 निओसचे नवीन मॉडेल लाँच, किंमत किती?

तुम्ही लक्झरी फीचर्स असलेली पण बजेटमध्ये बसणारी कार शोधत असाल, तर हुंडईची नवीन ग्रँड i10 निओस तुमच्यासाठी उत्तम पर्याय ठरू शकते. सुरक्षेसाठी डॅशकॅम आणि लांबच्या प्रवासासाठी सोयीस्कर ठरणारे क्रूझ कंट्रोल यामुळे ही कार आता अधिक स्मार्ट झाली आहे. मध्यमवर्गीयांच्या गरजा लक्षात घेऊन कंपनीने ही कार आधुनिक तंत्रज्ञानाने सुसज्ज केली आहे. ह्युंदाई मोटर इंडियाने आपली सर्वात स्वस्त कार ग्रँड आय 10 निओसचे खास व्हेरिएंट लाँच केले आहे. या मॉडेलला Vibed Edition असे नाव देण्यात आले आहे. ग्रँड आय10 निओसच्या स्पेशल व्हेरिएंटची किंमत 7.09 लाख रुपये एक्स-शोरूमपासून सुरू होते आणि 7.73 लाख रुपयांपर्यंत जाते.

ह्युंदाईने i10 Nios च्या स्पेशल एडिशन व्हेरिएंटपूर्वी क्रेटाची नवीन समर एडिशन देखील लाँच केली होती. ह्युंदाई ग्रँड आय 10 एनआयओएससाठी नवीन मॅट पेंट पर्याय टायटन ग्रे लाँच करण्यात आला आहे. एचएमआयएल कंपनीचे म्हणणे आहे की, या सेगमेंटमधील हा एकमेव मॅट कलर आहे. व्हायब एडिशन त्याच्या ब्लॅक इंटिरियर आणि रेड डिटेल्सवरून सहज ओळखता येते. यात ब्लॅक-पेंटेड 15-इंच अलॉय व्हील्स, लेदर-रॅप्ड स्टीयरिंग व्हील, प्रोजेक्टर हेडलाइट्स, ऑटोमॅटिक एसी (रिअर व्हेंट्ससह), क्रूझ कंट्रोल आणि 8-इंच टचस्क्रीन मिळते, जी अँड्रॉइड ऑटो आणि ऍपल कारप्लेला सपोर्ट करते. सर्व मॉडेल्समध्ये6एअरबॅग्स आणि टायर प्रेशर मॉनिटरिंग सिस्टम देखील आहे.

‘हे’ कारचे खास फीचर्स

या कारचे सर्वात खास फीचर्स म्हणजे त्याचा डॅशकॅम, ज्याचा उल्लेख एचएमआईएल पेट्रोल हॅचबॅक सेगमेंटमध्ये प्रथमच करण्यात आला आहे. हा डॅशकॅम ड्रायव्हिंग, इमर्जन्सी, इव्हेंट आणि व्हेकेशन अशा वेगवेगळ्या मोडमध्ये रेकॉर्ड करू शकतो. यात मोबाइल अ‍ॅपद्वारे फोटो काढण्याची आणि व्हिडिओ डाउनलोड करण्याची सुविधा देखील दिली जाते. हा डॅशकॅम आता एस्टा व्हेरिएंटमध्येही देण्यात आला आहे.

गाडीची किंमत काय?

स्टँडर्ड ह्युंदाई ग्रँड आय 10 एनआयओएसची किंमत 5.55 लाख रुपये (एक्स-शोरूम) पासून सुरू होते आणि 7.91 लाख रुपये (एक्स-शोरूम) पर्यंत जाते. यात 1.2 लीटर पेट्रोल इंजिन आहे, जे 83 एचपी पॉवर आणि 113 एनएम टॉर्क जनरेट करते. हा फोन 5-स्पीड मॅन्युअल आणि एएमटी गिअरबॉक्ससह उपलब्ध आहे. याशिवाय सीएनजीचा पर्यायही आहे, ज्यामध्ये पॉवर 68 एचपीपर्यंत कमी होते. भारतीय बाजारात याची टक्कर मारुती सुझुकी स्विफ्ट, टाटा टियागो या कारशी आहे.