Skoda Slavia ला भारतीय ग्राहकांची पसंती, एका महिन्यात 10,000 बुकिंग्स

Skoda Slavia Price Sale Booking: स्कोडा ऑटो इंडियाने (Skoda Auto India) या वर्षी फेब्रुवारीमध्ये आपली नवीन मिडसाईज सेडान, स्कोडा स्लाव्हिया (Skoda Slavia) लाँच केली होती. ही कार होंडा सिटी, मारुती सियाझ, फोक्सवॅगन व्हेंटो आणि ह्युंदाई वेर्ना या गाड्यांना बाजारात जोरदार स्पर्धा देत आहे. स्कोडा स्लाव्हिया आपल्या जबरदस्त लुक आणि लेटेस्ट फीचर्समुळे लोकांना आकर्षित करत आहे. स्कोडा स्लाव्हियाला आजपर्यंत 10,000 हून अधिक बुकिंग्स मिळाल्या आहेत. स्कोडा कंपनीने गेल्या महिन्यात सर्वाधिक कार विक्रीचा विक्रमही प्रस्थापित केला असून त्यात स्कोडा कुशाक आणि स्लाव्हिया सारख्या कारचा मोठा वाटा आहे.

Skoda Slavia च्या किंमतीबद्दल बोलायचे झाले तर, या कारच्या 1.0 TSI Active या बेस व्हेरिएंटची किंमत 10.69 लाख रुपये (एक्स-शोरूम) इतकी आहे. स्लाव्हियाचे 8 व्हेरिएंट आहेत, या कारच्या टॉप व्हेरिएंटची किंमत 17.79 लाख रुपयांपर्यंत आहे. स्लाव्हियाचे बेस मॉडेल होंडा सिटीपेक्षा स्वस्त आहे, या सेगमेंटमध्ये सर्वाधिक विक्री होणारी ही मिडसाईज कार आहे. स्कोडा स्लाव्हियाच्या इंजिन आणि पॉवरबद्दल बोलायचे झाल्यास, ही कार 1.0L TSI आणि 1.5L TSI टर्बो पेट्रोल इंजिनसह सुसज्ज आहे. ही सेडान मॅन्युअल आणि ऑटोमॅटिक ट्रान्समिशन पर्यायांमध्ये उपलब्ध आहे.

Skoda Slavia ची लांबी 4,541 mm, रुंदी 1,752 mm आणि उंची 1,487 mm आहे. स्कोडा रॅपिडच्या तुलनेत, ऑल-न्यू स्लाव्हिया 128 मिमी लांब, 53 मिमी रुंद आणि 21 मिमी लांब आहे.

Skoda Slavia मध्ये दमदार इंजिन

Skoda Slavia मध्ये दोन प्रकारचे इंजिन पर्याय दिले आहेत. ही कार 1.0 लीटर TSI पेट्रोल इंजिनसह सुसज्ज असेल जे मॅक्सिमम 114 एचपी पॉवर आणि 178 एनएम पीक टॉर्क जनरेट करते. हे 6-स्पीड मॅन्युअल तसेच 6-स्पीड ऑटोमॅटिक ट्रान्समिशनशी जोडलेले आहे. तर यातले दुसरे इंजिन 1.5 लीटर TSI पेट्रोल इंजिन आहे, जे 148 hp पॉवर आणि 250 Nm टॉर्क जनरेट करण्यास सक्षम आहे. तसेच, यात 6 स्पीड मॅन्युअल आणि 7 स्पीड डीएसपी ट्रान्समिशन आहे.

Skoda Slavia चे इतर फीचर्स

Skoda च्या या कारमध्ये Apple CarPlay आणि Android Auto कंपॅटिबिलिटी, वायरलेस चार्जिंग पॅड, 6 एअरबॅग्ज, पूर्णपणे डिजिटल इन्स्ट्रुमेंटेशन, रिव्हर्स पार्किंग कॅमेरा, पॉवर सीट्स, माउंटेड कंट्रोल्ससह मल्टी-फंक्शनल स्टीयरिंग व्हील, क्रूझ कंट्रोल, आणि मोठी टचस्क्रीन इन्फोटेनमेंट सिस्टम मिळेल.

इतर बातम्या

कार चालकांसाठी महत्त्वाची बातमी, नितीन गडकरींनी जारी केलेले नियम लागू होणार

भारतात 1 एप्रिलपासून सर्व BMW कार महागणार, पाहा किती होणार दरवाढ

नवीन कलर थीम आणि स्पोर्टी लूकसह 2022 Yamaha YZF-R3 लाँच, जाणून घ्या किंमत आणि फीचर्स