Tata Cars Discount: नवीन कार खरेदी करायची आहे? टाटाच्या ‘या’ 5 कारवर मिळतेय बंपर सूट

टाटा मोटर्सच्या गाड्या त्यांच्या मजबूत टिकाऊपणासाठी ओळखल्या जातात. जर तुम्हीही तुमच्या कुटुंबाची सुरक्षितता लक्षात घेऊन ऑगस्टमध्ये नवीन टाटा गाडी खरेदी करण्याचा विचार करत असाल तर तुम्हाला बंपर डिस्काउंटचा फायदा मिळू शकतो. आज आम्ही तुम्हाला सांगणार आहोत की ऑगस्टमध्ये कोणते मॉडेल्स सर्वाधिक डिस्काउंटसह विकले जात आहेत.

टाटा टियागो (Tata Tiago Discount)

टाटा मोटर्सच्या या एंट्री लेव्हल हॅचबॅकच्या XE मॉडेल वगळता, इतर व्हेरिएंटवर 55 हजार रुपयांपर्यंतची बंपर सूट मिळत आहे ज्यामध्ये 10 हजार रुपयांची रोख सूट आणि 15 हजार रुपयांपर्यंतची एक्सचेंज सूट समाविष्ट आहे.

टाटा पंच (Tata Punch Discount)

टाटाच्या या सर्वाधिक विक्री होणाऱ्या एसयूव्हीच्या सीएनजी व्हेरिएंटवर ऑगस्टमध्ये 85 हजार रुपयांपर्यंत सूट मिळत आहे, ज्यामध्ये 30 हजार रुपयांची रोख सूट समाविष्ट आहे. त्याचवेळी कंपनी या वाहनाच्या पेट्रोल व्हेरिएंटवर 65 हजार रुपयांपर्यंत सूटचा फायदा देत आहे.

टाटा हॅरियर आणि सफारी (Tata Harrier and safari discount)

टाटा मोटर्सने अलीकडेच या दोन्ही एसयूव्ही अपडेट केल्या आहेत, जर तुम्ही या अपडेटपूर्वीचे व्हेरिएंट खरेदी केले तर कंपनी तुम्हाला बंपर डिस्काउंट देईल. हॅरियर स्मार्ट आणि फियरलेस व्हेरिएंटवर 80 हजार रुपयांपर्यंत सूट दिली जात आहे, तर इतर सर्व व्हेरिएंटवर 1 लाख 05 हजार रुपयांपर्यंत सूट दिली जात आहे, ज्यामध्ये 50 हजारांचा रोख फायदा समाविष्ट आहे. तसेच नवीनतम अपडेट लाइनअपपूर्वी सफारीचे व्हेरिएंट खरेदी करून तुम्ही 1.05 लाखांपर्यंत बचत करू शकता.

टाटा कर्व (tata curvv discount)

जर तुम्हाला टाटाची पहिली कूप एसयूव्ही आवडत असेल, तर ही गाडी कमी किमतीत खरेदी करण्याची ही एक उत्तम संधी आहे. कंपनी तुम्हाला ऑगस्टमध्ये या गाडीवर 30 हजार रुपये वाचवण्याची संधी देत आहे. परंतु सवलतीचा फायदा एक्सचेंज आणि स्क्रॅप बोनसच्या स्वरूपात उपलब्ध आहे.