या सीएनजी गाड्यांवर मिळतेय बंपर सूट, ह्युंडाई ते मारुती वाहनांचा समावेश

या सीएनजी कारमध्ये ज्या वाहनांची यादी करण्यात आली आहे, त्यात मारुती सुझुकी वॅगन आर सीएनजी, मारुती सुझुकी अल्टो कॅग, ह्युंडाई सेंट्रो सीएनजी, ह्युंडाई निओस सीएनजी आणि ह्युंडाई ऑरा सीएनजी यांचा समावेश आहे.

या सीएनजी गाड्यांवर मिळतेय बंपर सूट, ह्युंडाई ते मारुती वाहनांचा समावेश
या सीएनजी गाड्यांवर मिळतेय बंपर सूट, ह्युंडाई ते मारुती वाहनांचा समावेश

नवी दिल्ली : पेट्रोलच्या वाढत्या किंमतीमुळे ग्राहक चांगलेच अस्वस्थ झाले आहेत. अशा परिस्थितीत आता प्रत्येक जण हाय मायलेज वाहन किंवा सेकंड हँड मार्केटकडे वाटचाल करत आहे. दरम्यान, असे बरेच लोक आहेत जे सीएनजीवर विसंबून आहेत आणि सीएनजी बसविलेली वाहने घेत आहेत. तुम्हालाही सीएनजी गाडी घ्यायची असेल तर या महिन्याच्या अखेरीस विकत घ्या कारण मारुती, ह्युंडाई त्यांच्या वाहनांवर बंपर सवलत देत आहेत. (These CNG vehicles include bumper suits, Hyundai to Maruti vehicles)

या सीएनजी कारमध्ये ज्या वाहनांची यादी करण्यात आली आहे, त्यात मारुती सुझुकी वॅगन आर सीएनजी, मारुती सुझुकी अल्टो कॅग, ह्युंडाई सेंट्रो सीएनजी, ह्युंडाई निओस सीएनजी आणि ह्युंडाई ऑरा सीएनजी यांचा समावेश आहे.

मारुती सुझुकी अल्टो सीएनजी

या महिन्यात या गाडीवर एकूण 36,000 रुपयांपर्यंतची सूट उपलब्ध आहे. कंपनी येथे 18,000 रुपये रोख सवलत, 15,000 रुपयांचा एक्सचेंज बोनस आणि 3000 रुपये कॉर्पोरेट डिस्काऊंट येथे देत आहे. या गाडीची सुरूवातीची किंमत 4.66 लाख आहे आणि तुम्हाला तिच्या टॉप व्हेरिएंटसाठी 4.70 लाख द्यावे लागतील. येथे आपणास या दोन्ही गाड्या दोन व्हेरिएंटमध्ये मिळतील ज्यात Lxi आणि LXi (O) समाविष्ट आहेत.

मारुती सुझुकी वॅगन आर सीएनजी

मारुती सुझुकी वॅगन आरच्या सीएनजी मॉडेलवर एकूण 26,000 रुपयांपर्यंतची सूट मिळत आहे. यात 800 रुपयांची रोख सूट, 15,000 रुपयांचा एक्सचेंज बोनस आणि कॉर्पोरेट सवलत 3000 रुपये मिळत आहे. या वाहनाची एक्स-शोरूम किंमत 5.70 लाख रुपये आहे, तर टॉप व्हेरिएंटची किंमत 5.77 लाख रुपये आहे. यात आपल्याला दोन व्हेरिएंट्स मिळतील.

ह्युंडाई सँट्रो सीएनजी

ह्युंडाई सॅंट्रोवर 25,000 रुपयांपर्यंतची सवलत उपलब्ध आहे. त्याचबरोबर तुम्हाला यावर 10,000 रुपयांची रोख सूटही मिळत आहे. याशिवाय तुम्हाला 10,000 रुपयांचा एक्सचेंज बोनस आणि कॉर्पोरेट सवलत 5000 रुपये मिळू शकते. या वाहनाची एक्स-शोरूम किंमत 5.92 लाख रुपये आहे, तर टॉप व्हेरिएंटसाठी तुम्हाला 6.06 लाख रुपये द्यावे लागतील. येथे आपणास हे वाहन दोन व्हेरिएंटमध्ये मिळेल ज्यात मॅग्ना आणि स्पोर्ट समाविष्ट आहेत.

ह्युंडाई निओस सीएनजी

निओसवर 20,000 रुपयांपर्यंत सूट मिळत आहे. यामध्ये तुम्हाला 5000 रुपयांची रोख सूट, 10,000 रुपयांचा एक्सचेंज बोनस आणि कॉर्पोरेट सवलत 5000 रुपये आहे. वाहनाची एक्स-शोरूम किंमत 6.84 लाख रुपये आहे, तर टॉप व्हेरिएंटची किंमत 7.38 लाख रुपये आहे. यातही तुम्हाला दोन व्हेरिएंट्स मिळतील.

ह्युंडाई ऑरा सीएनजी

या वाहनावर एकूण 15000 पर्यंत सूट आहे ज्यात 10,000 रुपयांचा एक्सचेंज बोनस आणि 5000 रुपयांचा कॉर्पोरेट सवलत आहे. या गाडीची किंमत 7.52 लाख रुपये आहे. (These CNG vehicles include bumper suits, Hyundai to Maruti vehicles)

इतर बातम्या

Gold Price Today: सोने वाढीसह 47 हजारांच्या घरात, चांदी 1200 रुपयांहून महाग, पटापट तपासा

पुण्यासह पश्चिम महाराष्ट्रात निर्बंधात सुट नाहीच, उलट वाढवले जाणार, काय सुरु, काय बंद?

Click on your DTH Provider to Add TV9 MARATHI