TVS ची ही स्कुटर ठरली सेगमेंटमध्ये नंबर वन, विक्रीचा आकडा थक्क करणारा!
TVS च्या या स्कु़रची 53,891 युनिट्सची विक्री करून कंपनीची ही सर्वाधिक विक्री होणारी दुचाकी ठरली आहे. या स्कुटरची वार्षिक मागणी 14.44% नी वाढली.
मुंबई : TVS ने फेब्रुवारी 2023 साठी आपला विक्रीचा आकडा सादर केला आहे. TVS मोटरची फेब्रुवारी 2023 मध्ये एकूण दुचाकी विक्री (देशांतर्गत + निर्यात) 2,65,872 युनिट्स होती. कंपनीच्या देशांतर्गत दुचाकी विक्रीत 27.83 टक्के वाढ झाली आहे. कंपनी भारतीय बाजारपेठेत मोटारसायकलींच्या विस्तृत श्रेणीची विक्री करत आहे. मात्र, कंपनीच्या दोन स्कूटरसमोर सर्व बाईक फिक्या पडल्या. कंपनीच्या फेब्रुवारीच्या विक्रीत ज्युपिटर स्कूटरचे (TBS Jupiter) वर्चस्व राहिले आहे.
53,891 युनिट्सची विक्री करून कंपनीची ही सर्वाधिक विक्री होणारी दुचाकी ठरली आहे. ज्युपिटरची वार्षिक मागणी 14.44% नी वाढली. कंपनीच्या एकूण बाजारातील हिस्सा 24.34% ज्युपिटरचा आहे. दुसरा क्रमांक XL मोपेड होता, ज्याने 35,346 युनिट्स विकल्या. ज्युपिटर, XL, Apache आणि Raider हे टॉप-4 मॉडेल्समध्ये समाविष्ट होते आणि त्यांचा बाजारातील हिस्सा 70% होता.
TVS ज्युपिटर ही Honda Activa नंतर फेब्रुवारी 2023 मध्ये दुसरी सर्वाधिक विक्री होणारी स्कूटर होती. TVS ज्युपिटर स्कूटरची सुरुवातीची किंमत 71,390 रुपये आहे. भारतात हे 6 प्रकार आणि 15 रंगांमध्ये उपलब्ध आहे. त्याच्या टॉप व्हेरिएंटची किंमत 87,123 रुपयांपासून सुरू होते. हे 109.7 इंजिनद्वारे समर्थित आहे जे 7.88 PS पॉवर आणि 8.8 Nm टॉर्क विकसित करते. याला डिस्क फ्रंट ब्रेक आणि ड्रम रिअर ब्रेक मिळतात.
या स्कूटरनेही दाखवली कमाल
iQube इलेक्ट्रिक स्कूटरने फेब्रुवारी 2023 मध्ये 593.57% ची वार्षिक वाढ नोंदवली आहे, 15,522 युनिट्सची विक्री केली आहे. iQube मध्ये 2.25kWh ची बॅटरी देण्यात आली आहे. हे सुमारे 5 तासांत पूर्णपणे चार्ज होते आणि पूर्ण चार्ज झाल्यावर 75 किमी चालते. टीव्हीएसचा दावा आहे की ते इको मोडमध्ये 40 किमी प्रतितास आणि स्पोर्ट मोडमध्ये 78 किमी प्रतितास इतका वेग मिळवू शकतात.