भारतीय शेअर बाजारानंतर अमेरिकेचा बाजारही कोसळला, कोरोनाच्या नव्या अवताराची दहशत

नवी दिल्ली : भारतीय शेअर बाजारानंतर (Indian Stock Market) आता शुक्रवारी अमेरिकेच्या शेअर बाजारातही (US Stock Market) कोरोना विषाणूच्या नव्या अवतारामुळे घबराटीचे वातावरण पसरलेय. शुक्रवारी अमेरिकेचा शेअर बाजार घसरणीसह उघडला. सर्वात मोठी घसरण ट्रॅव्हल, बँक आणि कमोडिटीशी संबंधित शेअर्समध्ये झाली. कोरोना विषाणूचा संभाव्य धोकादायक प्रकार मिळाल्याच्या बातम्यांमुळे विक्रीवर खूप दबाव आला.

800 अंकांनी घसरणीसह व्यापार

डाऊ जोन्स इंडस्ट्रियल अॅव्हरेज सुमारे 800 अंकांनी घसरणीसह व्यापार करीत होता. दुसरीकडे S&P 500 सुरुवातीच्या व्यापारात सुमारे 1.4 टक्क्यांच्या घसरणीनं व्यापार करीत होता. अमेरिकन शेअर बाजारातील सप्टेंबरनंतरची ही सर्वात मोठी घसरण आहे.

नॅस्डॅक कंपोझिट इंडेक्स 1.14% म्हणजेच 180.85 अंकांनी घसरला

न्यूयॉर्क स्टॉक एक्सचेंजचा नॅस्डॅक कंपोझिट इंडेक्स 1.14% म्हणजेच 180.85 अंकांनी घसरून 15,664.38 वर उघडला. ट्रॅव्हल आणि एनर्जी क्षेत्रातील शेअर्समध्ये मोठी घसरण झाली, ज्यामध्ये रॉयल कॅरिबियन, कार्निव्हल आणि नॉर्वेजियन क्रूझ यांसारख्या कंपन्यांचे शेअर्स 10% च्या घसरणीसह व्यवहार करीत आहेत. शुक्रवारी कोरोना विषाणूचा नवा अवतार सापडल्यापासून यूएस ट्रेझरी उत्पन्नात तीव्र घट झाली, कारण दक्षिण आफ्रिकेत नवीन कोरोना व्हायरस विषाणू सापडल्यानंतर गुंतवणूकदारांनी सुरक्षित मार्ग शोधले.

भारतात सेन्सेक्स जवळपास 1700 अंकांनी घसरला

यापूर्वी भारतीय बाजारपेठेत मोठी घसरण झाली होती. एका अंदाजानुसार, एका दिवसात गुंतवणूकदारांचे सुमारे 7 लाख कोटींचे नुकसान झाले. BSE सेन्सेक्सने 1,687.9 अंकांची घसरण नोंदवली आणि निफ्टी 509.8 अंकांनी घसरला. 26 नोव्हेंबरची ही घसरण भारतीय शेअर बाजारातील या वर्षातील 3 सर्वात मोठ्या घसरणीपैकी एक आहे. या घसरणीपूर्वी जवळपास महिनाभरात शेअर बाजार 6 टक्क्यांनी घसरला होता. या घसरणीत उच्चांकी गुंतवणूकदारांचे 16 लाख कोटी रुपये बुडालेत.

संबंधित बातम्या

खासगी बँकांमध्ये प्रवर्तकांचा हिस्सा वाढणार, ‘या’ शिफारशीला RBI ची मान्यता

IPO साठी चांगले संकेत नाहीत, आता राकेश झुनझुनवाला समर्थित Star Health बाबत वाईट बातमी