Paytm IPO लिस्टिंग होताच मोठी घसरण, गुंतवणूकदारांचे नुकसान, जाणून घ्या
डिजिटल पेमेंट कंपनी पेटीएमची मूळ कंपनी One 97 Communications Ltd चा IPO 8 ते 10 नोव्हेंबरदरम्यान सब्सस्क्रिप्शनसाठी खुला होता. पेटीएमची इश्यू प्राइस बँड 2,080-2,150 रुपयांवर आहे. कंपनीने या IPO च्या माध्यमातून 18,300 कोटी रुपये उभारण्याचे लक्ष्य ठेवले होते. पण हा IPO फक्त 1.89 पट सबस्क्राइब झाला, जो अंदाजापेक्षा खूपच कमी होता.
नवी दिल्लीः Paytm IPO News: देशातील सर्वात मोठ्या आयपीओबद्दल वाईट बातमी आहे. पेटीएमचा आयपीओ मोठ्या घसरणीसह लिस्टिंग झालाय. 2,080-2,150 च्या प्राइस बँडमधील शेअर 1,950 रुपयांवर लिस्ट झाला. बाजारातील पडझडीनंतर समभागात सातत्याने घसरण होत आहे. लिस्टिंग झाल्यानंतर काही वेळातच पेटीएमचा शेअर 1,626.80 वर ट्रेडिंग दिसला.
पेटीएमचे शेअर्स आज BSE आणि NSE वर घसरणीसह लिस्टिंग झाला. One97 Communications Ltd च्या IPO अंतर्गत त्याच्या समभागांची यादी आतापर्यंतच्या यादीतील सर्वात कमकुवत असल्याचे सिद्ध झाले. ज्या गुंतवणूकदारांना पेटीएमच्या आयपीओच्या लिस्टमध्ये नफा मिळण्याची अपेक्षा होती, त्यांना या समभागामुळे मोठा धक्का बसला.
NSE वर 9.30 च्या घसरणीसह 1,950 रुपयांवर लिस्टिंग
पेटीएम शेअरची किंमत बीएसईवर 9.07 टक्क्यांच्या घसरणीसह 1955 रुपयांवर आणि नॅशनल स्टॉक एक्सचेंज (NSE) वर 9.30 च्या घसरणीसह 1,950 रुपयांवर लिस्टिंग झाली. पेटीएमच्या आयपीओच्या कमकुवत लिस्टची सुरुवातीपासूनच चर्चा होती. ग्रे मार्केट प्रीमियममध्ये ही आधीच मोठी घसरण होती.
पेटीएमची इश्यू प्राइस बँड 2,080-2,150 रुपयांवर
डिजिटल पेमेंट कंपनी पेटीएमची मूळ कंपनी One 97 Communications Ltd चा IPO 8 ते 10 नोव्हेंबरदरम्यान सब्सस्क्रिप्शनसाठी खुला होता. पेटीएमची इश्यू प्राइस बँड 2,080-2,150 रुपयांवर आहे. कंपनीने या IPO च्या माध्यमातून 18,300 कोटी रुपये उभारण्याचे लक्ष्य ठेवले होते. पण हा IPO फक्त 1.89 पट सबस्क्राइब झाला, जो अंदाजापेक्षा खूपच कमी होता. Paytm IPO हा देशातील आतापर्यंतचा सर्वात मोठा IPO आहे. पेटीएमच्या आयपीओपूर्वी कोल इंडियाने 15,000 कोटी रुपयांपेक्षा जास्त आणि रिलायन्स पॉवरने 11,000 कोटी रुपयांचा आयपीओ आणला होता.
बाजारातील घसरण सुरूच
शेअर बाजाराच्या आठवड्याच्या शेवटच्या दिवशी शुक्रवारी बाजारात मोठी घसरण पाहायला मिळाली. मुंबई शेअर बाजाराचा संवेदनशील निर्देशांक सेन्सेक्स दिवसभरात 410 अंकांच्या घसरणीसह 59,605 पातळीवर व्यवहार करत होता. यापूर्वी सेन्सेक्सने 59,487 चा स्तर गाठला होता. मात्र, काही काळानंतर थोडी सुधारणा दिसून आली. राष्ट्रीय शेअर बाजाराच्या निफ्टीतही हीच स्थिती दिसून आली. 50 प्रमुख समभागांचा निर्देशांक 136 अंकांच्या घसरणीसह 17,762 वर व्यवहार करत होता. पण तो 17722 च्या पातळीवरही पोहोचला होता.
संबंधित बातम्या
PM Kisan : सरकारने नियम बदलले! आता ‘या’ कागदपत्राशिवाय शेतकऱ्यांना पैसे मिळणार नाहीत
CNG Rate Today : सीएनजीच्या दरात पुन्हा वाढ, 1 किलोसाठी मोजावे लागणार इतके पैसे
