SIP चे दिवस संपले का? गोल्ड ETF मध्ये गुंतवणुकीचा ओढा वाढला का? जाणून घ्या

सोन्याच्या तेजीमुळे अनेक फंडांनाही चालना मिळाली आहे. गेल्या वर्षभरात SIP परताव्याच्या बाबतीत गोल्ड ETF ने निफ्टी ETF ला मागे टाकले आहे. जाणकारांच्या मते, येत्या काही दिवसांत सोन्यात आणखी वाढ होऊ शकते. त्याचबरोबर काही तज्ज्ञांच्या मते त्याच्या किमतीत काही प्रमाणात घट होण्याची शक्यता आहे.

गोल्ड ईटीएफImage Credit source: गुगल

एस. कुलकर्णी | Edited By: KALYAN DESHMUKH | Updated on: Apr 24, 2025 | 2:04 PM

तुम्ही SIP च्या माध्यमातून म्युच्युअल फंडात गुंतवणूक केली तर तुम्हाला चांगल्या परताव्यासाठी तुमची स्ट्रॅटेजी बदलावी लागू शकते. सोन्याच्या वाढीमुळे त्याच्याशी संबंधित फंडाला चांगला परतावा मिळाला आहे. मंगळवारी सोन्याच्या दरात 1800 रुपयांनी वाढ झाली आणि 10 ग्रॅम सोन्याने 1 लाख रुपयांचा टप्पा ओलांडला. ETF फंड्सच्या विश्लेषणानुसार, गेल्या वर्षभरात एसआयपी परताव्याच्या बाबतीत गोल्ड ETF ने निफ्टी ETF ला मागे टाकले आहे.

एसबीआय गोल्ड ETF मध्ये दरमहा 10,000 रुपयांची SIP केली असती तर त्याला वर्षभरात 54.35% परतावा मिळाला असता. एसबीआय निफ्टी 50 ETF मध्ये तेवढीच रक्कम गुंतवल्यास केवळ 2.93 टक्के परतावा मिळाला असता. इतर 16 गोल्ड ETF ने गेल्या वर्षभरात 48.32 टक्क्यांपासून 54.85 टक्क्यांपर्यंत परतावा दिला आहे. अ‍ॅक्सिस गोल्ड ETF ने 54.85 % आणि निप्पॉन इंडिया ETF गोल्ड बीईएसने 48.32% परतावा दिला आहे.

उर्वरित ETF चे काय?

15 निफ्टी 50 ETF ने 1.87 टक्क्यांपासून 3.03 टक्क्यांपर्यंत परतावा दिला. त्यापैकी क्वांटम निफ्टी 50 ETF एफओएफने 3.03% आणि इनवेस्को इंडिया निफ्टी 50 ईटीएफने 2.87% परतावा दिला. मोतीलाल ओसवाल वेल्थ मॅनेजमेंटच्या मते सोन्यात चढ-उतार सुरूच राहतील. जोखीम न घेणारे गुंतवणूकदार या तेजीचा फायदा घेऊ शकतात, तर सावध गुंतवणूकदार घसरणीची वाट पाहू शकतात.

आणखी मजबूत की घसरण?

टाटा म्युच्युअल फंडाने म्हटले आहे की, पुढील काही महिन्यांत सोन्याचे दर मजबूत राहण्याची शक्यता आहे. मध्यवर्ती बँकांकडून सोने खरेदी, व्याजदरात कपातीची अपेक्षा, डॉलर कमकुवत होणे, महागाई, आर्थिक अनिश्चितता (शुल्काशी संबंधित जोखमीसह) आणि ईटीएफमधील वाढलेली गुंतवणूक यामुळे सोन्याच्या किंमतींना आधार मिळतो.

फंड हाऊसने पुढे म्हटले आहे की, “थोड्या काळासाठी किंमती कमी होऊ शकतात, परंतु सोन्याचे दर दीर्घ काळासाठी मजबूत राहण्याची चिन्हे आहेत. एएमएफआयकडे उपलब्ध ताज्या आकडेवारीनुसार, मार्चमध्ये गोल्ड ईटीएफमधून 77 कोटी रुपये काढण्यात आले, तर फेब्रुवारीमध्ये ते 1,979 कोटी रुपये होते. परंतु आर्थिक वर्ष 2025 मध्ये गोल्ड ईटीएफमध्ये 14,852 कोटी रुपयांची गुंतवणूक झाली, जी मागील वर्षाच्या तुलनेत 183% जास्त आहे.

एसएमसी ग्लोबल सिक्युरिटीजचे सीईओ अजय गर्ग यांनी सांगितले की, मार्चमध्ये गोल्ड ईटीएफमध्ये उलटफेर झाला, ज्यात फेब्रुवारीमध्ये 1,979.84 कोटी रुपयांच्या गुंतवणुकीच्या तुलनेत 77.21 कोटी रुपयांची गुंतवणूक झाली. हे नफा वसुलीसाठी होते.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)