जपानी कंपनी Suzuki Motor भारतात 1.26 अब्ज डॉलरची गुंतवणूक करणार, इलेक्ट्रिक वाहन निर्मितीला चालना

जपानी वाहन निर्माती कंपनी सुझुकी मोटर (Suzuki Motor) कॉर्पोरेशन इलेक्ट्रिक वाहन (electric vehicles) आणि बॅटरीच्या निर्मितीसाठी भारतात 1.26 अब्ज डॉलरची गुंतवणूक (Investment) करणार आहे. लवकरच कंपनीच्या वतीने गुजरातमध्ये बॅटरी निर्मितीचा प्रकल्प उभारण्यात येणार असल्याचे समोर आले आहे.

जपानी कंपनी भारतात गुंतवणूक करणार

Ajay Deshpande | Updated on: Mar 20, 2022 | 8:07 AM

जपानी वाहन निर्माती कंपनी सुझुकी मोटर (Suzuki Motor) कॉर्पोरेशन इलेक्ट्रिक वाहन (electric vehicles) आणि बॅटरीच्या निर्मितीसाठी भारतात 1.26 अब्ज डॉलरची गुंतवणूक (Investment) करणार आहे. लवकरच कंपनीच्या वतीने गुजरातमध्ये बॅटरी निर्मितीचा प्रकल्प उभारण्यात येणार असल्याचे समोर आले आहे. यासाठी तब्बल 150 अब्ज येन म्हणजेच 1.26 डॉलर इतका खर्च येणार आहे. कंपनी भारतात अब्जावधीची गुंतवणूक करणार असून, त्यामुळे भारतातील इलेक्ट्रिक वाहन निर्मितीला चालना मिळेल असा दावा निक्केईच्या बिजनेस रिपोर्टमध्ये करण्यात आला आहे. पुढे या रिपोर्टमध्ये म्हटले आहे की, भारत सरकार सध्या पर्यावरणपूरक वाहनांच्या निर्मितीवर भर देत आहे. देशात इलेक्ट्रिक वाहनांची संख्या वाढली तर वाहनापासून निर्माण होणाऱ्या प्रदूषणाला आळा बसेल. याच पार्श्वभूमीवर ही गुंतवणूक महत्त्वाची आहे. या गुंतवणूकीबाबत पंतप्रधान नरेंद्र मोदी आणि जपानचे पंतप्रधान फुमियो किशिदा यांच्यामध्ये चर्चा देखील झाल्याचा दावा या रिपोर्टमध्ये करण्यात आला आहे. दरम्यान या गुंतवणुकीमुळे रोजगार वाढण्यास देखील मदत होणार आहे.

ऑक्टोबर 2019 मध्ये झाला होता करार

ऑक्टोबर 2019 मध्ये ऑटोमोटिव्ह इलेक्ट्रॉनिक्स पावर प्राईव्हेट लिमिटेड आणि जपान तोशीबा कॉर्पोरेशन यांनी मिळून गुजरात सरकारसोबत ऑक्टोबर 2019 मध्ये एक करार केला होता. या करारानुसार अहमदाबाद जिल्ह्यातील हंसलपूर परिसरात लिथियम -आयन बँटरीचा मोठा प्रकल्प उभारण्यात येणार आहे. या प्रकल्पासाठी दोन टप्प्यात गुंतवणूक करण्याच्या करारावर सह्या झाल्या होत्या. त्यानंतर या प्रकल्पाबाबत पंतप्रधान मोदी आणि जपानचे पंतप्रधान यांच्यामध्ये देखील चर्चा झाल्याची माहिती समोर येत आहे.

रोजगारामध्ये वाढ

जपान भारतामध्ये विविध प्रकल्पांमध्ये गुंतवणूक करण्यास इच्छूक आहे. त्याचाच एक भाग म्हणून जपानी वाहन निर्माती कंपनी सुझुकी मोटर (Suzuki Motor)कॉर्पोरेशन इलेक्ट्रिक वाहन (electric vehicles) आणि बॅटरीच्या निर्मितीसाठी भारतात 1.26 अब्ज डॉलरची गुंतवणूक (Investment) करणार आहे. हा प्रकल्प उभा राहिल्यास हजारो लोकांना रोजगार मिळणार आहे. सोबतच देशात इलेक्ट्रिक वाहनाची संख्या वाढल्यास पेट्रोल, डिझेलवरील अवलंबित्व कमी होऊन, प्रदूषणाला देखील आळा बसणार आहे.