या बँकांमध्ये RD वर मिळतंय इतके व्याज, पाहा संपूर्ण यादी
बॅंकांच्या आरडीमध्ये तुम्ही महिन्याच्या ठराविक तारखेला रक्कम जमा करुन गुंतवणूक करु शकता. या बचतीवर मुदतपूर्तीनंतर व्याजासह मुद्दल परत मिळते.
नवी दिल्ली | 17 सप्टेंबर 2023 : बॅंकामध्ये आरडी ( RD ) म्हणजे रिकरिंग डीपॉझिटला गुंतवणूकीसाठी सुरक्षित गुंतवणूकीचा एक चांगला पर्याय मानले जाते. या गुंतवणूकीच्या मदतीने गुंतवणूकदार मोठ्या काळात एक चांगला निधी मिळवू शकतो. या योजनेत दर महिन्यांच्या विशेष तारखेला ठराविक रक्कम हप्ता स्वरुपात भरावे लागते. तुमच्या जमलेल्या रकमेवर बॅंक व्याज देत असते. आरडी योजनेतील व्याज सेव्हींग अकाऊंट्स पेक्षा जास्त आणि फिक्स्ड डीपॉझिट्स पेक्षा कमी असते. चला पाहूयात कोणत्या बॅंकांमधील आरडीवर किती व्याज मिळते…
आरडी म्हणजे रिकरिंग डिपोझिट होय. यामध्ये दरमहा एका ठराविक तारखेला तुम्ही ठराविक रक्कम बचत करु शकता. पोस्टात आणि बँकांमध्ये तुम्ही रिकरिंग डिपोझिट करु शकता. रिकरिंग डिपोझिटच्या माध्यमातून तुम्ही केलेल्या बचतीवर मुदतपूर्तीनंतर व्याजासह मुद्दल परत मिळते. रिकरिंग डिपोझिटच्या मदतीने दरमहा थोडी थोडी बचत करून मोठी रक्कम उभारणे सहज शक्य होत असल्याने ही योजना लोकप्रिय आहे.
इंडसइंड बॅंक ( IndusInd Bank )
इंडसइंड बॅंकच्यावतीने 12 महिन्यांपासून ते 10 वर्षांपर्यंच्या आरडीवर 7 ते 7.50 टक्के व्याज दिले जात आहे. 12,15,18,21 आणि 24 महिन्यांच्या आरडीवर कमाल 7.50 टक्क्यांपर्यंत व्याज दिले जात आहे.
आयसीआयसीआय बॅंक ( ICICI Bank )
आयसीआयसीआय बॅंक देखील सहा महिन्यांपासून ते 10 वर्षांच्या आरडीची ऑफर दिली जात आहे. याच गुंतवणूकीसाठी 4.75 टक्के पासून 7.10 टक्के व्याज दिले जात आहे. सर्वात अधिक व्याज 15,18,21 आणि 24 महिन्यांच्या आरडीवर दिले जात आहे.
एचडीएफसी बॅंक ( HDFC )
एचडीएफसी बॅंकच्यावतीने गुंतवणूदारांना सहा महिन्यांपासून ते 10 वर्षांपर्यंतच्या आरडी ऑफर केली जात आहे. यात गुंतवणूकदारांना 4.50 टक्क्यांपासून ते 7.10 टक्के व्याज दिले जाते आहे. सर्वात जास्त 7.10 टक्के व्याज 15 महिन्यांचा कालावधी असलेल्या आरडीला दिले जात आहे.
एसबीआय ( SBI )
एसबीआय बॅंक आपल्या ग्राहकांना एक ते 10 वर्षांच्या RD ऑफर केली जात आहे. यावर बॅंक 6.50 ते 7 टक्के इतके व्याज देत आहे. सर्वात जास्त व्याज दोन वर्षे ते तीन वर्षांपेक्षा कमी वर्षांच्या आरडीला दिले जात आहे.
