शेअर बाजार कोसळला; सेन्सेक्समध्ये 700 अकांची घसरण, गुंतवणूकदारांना मोठा फटका

मुंबई : आशियाई शेअर बाजारात घसरण सुरूच आहे. आता याचा परिणाम भारतीय शेअर बाजारावर होत असल्याचे पहायला मिळत आहे. शुक्रवारी शेअर बाजार सुरू होताच पडझडीला सुरुवात झाली. बीएसई शेअर बाजाराचा सेन्सेक्स आज सुरुवातीच्या सत्रातच तब्बल 700 अकांनी कोसळला, तर निफ्टीमध्ये देखील 200 अकांची घसरण झाली. शेअर बाजारात सुरू असलेल्या घसरणीमुळे गुंतवणूकदारांच्या चिंतेत भर पडली आहे.

गुरुवारीही घसरण

गुरुवारी देखील शेअरबाजारात घसरण सुरूच होती. गुरुवारी शेवटच्या सत्रात सेन्सेक्स 319.82 अकांच्या घसरणीसह 57,581.32 वर बंद झाला होता. तर निफ्टीमध्ये देखील 91 अकांची अर्थात 0.53  टक्क्यांची घसरण होऊन निफ्टी 17,157.40 अंकांवर बंद झाला. मात्र शुक्रवारी शेअर मार्केट सुरू  होताच सेन्सेक्स आणखी घसरला आहे. सेन्सेक्स तब्बल सातशे अकांनी घसरल्याने याचा मोठा फटका हा गुंतवणुकदारांना बसला आहे. सध्या आंतरराष्ट्रीय घडामोंडीचा प्रभाव हा आशियातील शेअर मार्केटवर पडताना दिसून येत आहे. पुढील आठवड्यात शेअर मार्केटमध्ये काही अंशी सुधारणा होऊ शकते असा अंदाज  वर्तवला जात आहे.

टायटनच्या शेअरला मोठा फटाका

आज सर्वाधिक फटका हा टायटनच्या शेअरला बसल्याचे दिसून आले आहे. टायटनच्या शेअरची किंमत ही जवळपास तीन टक्क्यांनी कमी झाली आहे. टायटनपाठोपाठ एचयूएएल, मारूती, एशियन पेंट्स आणि इंडसलँड बँक यांचे देखील शेअर कोसळले आहेत. दुसरीकडे मात्र इन्फोसिस, टीसीएस, एचसीएल टेक आणि टेक महिंद्रा यांच्या शेअरमध्ये वाढ झाली आहे. शेअर बाजारामध्ये सध्या सातत्याने चढ-उतार पहायला मिळत आहे. त्यामुळे गुंतवणूकदारांनी विचारपूर्वक गुंतवणूक करावी असा सल्ला शेअर मार्केट तज्ज्ञांकडून देण्यात येत आहे.

संबंधित बातम्या 

CBDC | आता भारताची स्वतःची डिजिटल करन्सी, CBDC चं रुपडं लवकरच लाँच होणार

HDFC लाईफची निवृत्ती योजना, पॉलिसीच्या सुरुवातीलाच वार्षिक व्याज करा लॉक, इतरही अनेक फायदे

नव्या वर्षात विमान प्रवास होणार स्वस्त?; जेट एअरवेज 2.0, अकासा प्रवाशांच्या सेवत