Marathi News Photo gallery Parth pawar richer than sharad pawar affidavit reveals huge asset gap in rajya sabha poll
शरद पवारांपेक्षा पार्थ पवार अधिक श्रीमंत, अजितदादांच्या पुत्राची मालमत्ता किती?
राज्यसभा निवडणुकीच्या पार्श्वभूमीवर नुकतेच उमेदवारी अर्ज दाखल करण्यात आले आहेत. या अर्जासोबत असलेल्या प्रतिज्ञापत्रात राष्ट्रवादीचे अध्यक्ष शरद पवार यांच्यापेक्षा अजित दादा यांचे पूत्र पार्थ पवार यांची मालमत्ता अधिक असल्याची माहिती समोर आले आहे.
महाराष्ट्रात राज्यसभेच्या सात जागांसाठी निवडणूक प्रक्रिया जोरात सुरू आहे. या निवडणुकीत महाविकास आघाडीकडून एक उमेदवार आणि महायुतीकडून सहा उमेदवार मैदानात आहेत. या स्पर्धेत पवार कुटुंबातील दोन सदस्यही उतरले आहेत. राष्ट्रवादी काँग्रेस (शरद पवार गट)चे प्रमुख शरद पवार महाविकास आघाडीच्या पाठिंब्यावर निवडणूक लढवत आहेत, तर अजित पवारांचे चिरंजीव पार्थ पवार सुनेत्रा पवार यांच्या जागी महायुतीच्या तिकीटावर राज्यसभेसाठी उभे राहिले आहेत.
1 / 5
नुकतेच दाखल केलेल्या उमेदवारी अर्जांसोबत सादर केलेल्या प्रत affidavit मधून एक चकीत करणारी माहिती समोर आली आहे. पार्थ पवार यांची मालमत्ता आपल्या आजोबा शरद पवार यांच्यापेक्षा जास्त आहे. एवढेच नाही, तर महाराष्ट्रातून राज्यसभेसाठी उभे राहिलेल्या इतर सर्व उमेदवारांमध्येही पार्थ पवार हे सर्वाधिक श्रीमंत ठरले आहेत.
2 / 5
शरद पवार आणि त्यांच्या पत्नी प्रतिभा पवार यांची एकूण मालमत्ता ६० कोटी ७१ लाख रुपयांची आहे. यात ४४.७२ कोटी रुपयांची जंगम मालमत्ता, १ लाख २५ हजार रुपयांची रोख रक्कम, बँका आणि वित्तसंस्थांमधील ११.६६ कोटी रुपयांच्या मुदत ठेवी, समभाग आणि म्युच्युअल फंड्समध्ये २७ कोटी रुपयांची गुंतवणूक, सोने-चांदीचे दागिने आणि इतर मौल्यवान वस्तूंमध्ये ३.८५ कोटी रुपये आणि बारामतीतील शेती, घर, सदनिका यांचा समावेश असलेली १५.९९ कोटी रुपयांची स्थावर मालमत्ता आहे. याशिवाय त्यांच्यावर सुमारे ४९ लाख ८४ हजार रुपयांचे दायित्व आहे.
3 / 5
दुसरीकडे, पार्थ पवार यांची एकूण मालमत्ता ८८ कोटी ३३ लाख रुपयांची आहे. यात ११ कोटी ३५ लाख ४४ हजार रुपयांची जंगम मालमत्ता, बँका, टपाल, विमा आणि वित्तसंस्थांमधील ३ कोटी ६८ लाख रुपयांच्या मुदत ठेवी, समभाग आणि म्युच्युअल फंड्समध्ये १ कोटी १७ लाख रुपयांची गुंतवणूक, १ कोटी ३१ लाख रुपयांचे सोने-चांदीचे दागिने आणि बारामती तालुक्यातील शेतजमिनी तसेच पुण्यातील घर यांचा समावेश असलेली ७६ कोटी ९८ लाख रुपयांची स्थावर मालमत्ता आहे. त्यांच्यावर बँका आणि वित्तीय संस्थांचे ९२ लाख ४८ हजार रुपयांचे कर्ज आहे.
4 / 5
या आकडेवारीवरून स्पष्ट होते की पार्थ पवार हे आपल्या आजोबांपेक्षा सुमारे २७-२८ कोटी रुपयांनी अधिक श्रीमंत आहेत. राज्यसभेच्या या निवडणुकीत पवार कुटुंबातील दोन पिढ्यांचे प्रतिनिधित्व आणि त्यांची आर्थिक स्थिती यावेळी खूप चर्चेत आहे. निकाल लवकरच जाहीर होणार असून, त्याकडे सर्वांचे लक्ष लागले आहे.
