UPI व्यवहार झाला रद्द तर बँक रोज देईल 100 रुपये, इथे करा तक्रार

NEFT, IMPS आणि यूपीआयमार्फत पैसे ट्रान्सफर करण्यात अडचणीचा सामना करावा लागत आहे. अनेक वेळा ग्राहकांचा यूपीआय व्यवहार अयशस्वी झाला आहे.

UPI व्यवहार झाला रद्द तर बँक रोज देईल 100 रुपये, इथे करा तक्रार

नवी दिल्ली : नवीन आर्थिक वर्षाच्या पहिल्या दिवशी म्हणजेच 1 एप्रिल रोजी देशातील सर्व सरकारी आणि खासगी बँका बंद ठेवल्या गेल्या आहेत. बँक बंद झाल्यामुळे ऑनलाईन व्यवहार वाढले आहेत. यावेळी ग्राहकांना NEFT, IMPS आणि यूपीआयमार्फत पैसे ट्रान्सफर करण्यात अडचणीचा सामना करावा लागत आहे. अनेक वेळा ग्राहकांचा यूपीआय व्यवहार अयशस्वी झाला आहे. जर तुमचा यूपीआय व्यवहार अयशस्वी झाला आणि खात्यातून काढलेली रक्कम योग्य वेळी परत केली नाही तर बँक तुम्हाला दररोज 100 रुपयांची भरपाई देईल. (upi transaction failed banks to pay rs 100 per day penalty)

सप्टेंबर 2019 मध्ये रिझर्व्ह बँक ऑफ इंडियाने (RBI) अयशस्वी व्यवहारासंदर्भात नवीन परिपत्रक जारी केले आहे. त्याअंतर्गत पैशांच्या ऑटो रिवर्सलसाठी कालमर्यादा ठरवण्यात आली आहे. या मुदतीच्या आत व्यवहारात कोणताही तोडगा न निघाल्यास किंवा व्यवहार उलटल्यास बँकेला ग्राहकांना भरपाई द्यावी लागेल. परिपत्रकानुसार, अंतिम मुदत संपल्यानंतर प्रतिदिन 100 रुपये दराने भरपाई द्यावी लागेल.

T+1 मध्ये ऑटो-रिवर्सल

परिपत्रकानुसार, जर यूपीआय व्यवहार अयशस्वी झाला आणि ग्राहकांच्या खात्यातून पैसे कपात केले गेले, परंतु पैसे लाभार्थीच्या खात्यात जमा केले गेले नाहीत तर T+1 दिवसात ऑटो-रिवर्सल व्यवहार पूर्ण केले जावेत.

इथे तक्रार करा

जर आपल्या यूपीआय व्यवहारावर पैसे परत केले नाहीत तर आपण सेवा प्रदात्यास तक्रार देऊ शकता. यासाठी तुम्हाला रेज डिस्प्यूटवर जावे लागेल. रेज डिस्प्यूटवर आपली तक्रार नोंदवा. आपली तक्रार योग्य झाल्यावर प्रदाता पैसे परत करेल. तक्रारी करूनही बँकेकडून कोणताही प्रतिसाद न मिळाल्यास आपण आरबीआयच्या लोकपाल योजना डिजिटल व्यवहारांच्या 2012 च्या अंतर्गत तक्रार करू शकता.

दरमहा यूपीआय व्यवहारात 19 टक्क्यांनी वाढ झाली आणि आर्थिक वर्ष 21 मध्ये 5 लाख कोटी रुपयांचे व्यवहार झाले. देशभरात क्यूआर-आधारित पेमेंट्सच्या वाढीमुळे यूपीआयच्या तुलनेत मागील वर्षात वाढ झाली आहे. (upi transaction failed banks to pay rs 100 per day penalty)

संबंधित बातम्या – 

‘या’ योजना कमी पैशात देणार बक्कळ पैसा, उत्तम आहेत फायदा

फक्त 500 रुपयात पोस्ट ऑफिस किंवा बँकेत उघडा खातं, काही वर्षात मिळेल बक्कळ परतावा

1 रुपयाच्या नाण्यावर 10 कोटी कमावण्याची सुवर्णसंधी! पटापट चेक करा संपूर्ण डिटेल्स

(upi transaction failed banks to pay rs 100 per day penalty)

 

Read Full Article

Click on your DTH Provider to Add TV9 MARATHI