AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘झोमॅटो’ सर्च केल्यावर आता जेवण मिळणार नाही का? कंपनीने अचानक बदललं आपलं नाव

झोमॅटोने अचानकपणे आपले नाव बदलले आहे. कंपनीच्या संचालक मंडळाने या निर्णयाला मान्यता दिली आहे. नाव बदलण्यामागे आता एक महत्त्वाचं कारण असल्याचं समोर आलं आहे. पण नाव बदलल्यामुळे आता नेहमीप्रमाणे 'झोमॅटो' सर्च केल्यावर आता जेवण मिळणार नाही का? असे प्रश्न उपस्थित होत आहे.

'झोमॅटो' सर्च केल्यावर आता जेवण मिळणार नाही का? कंपनीने अचानक बदललं आपलं नाव
Mayuri Sajerao
Mayuri Sajerao | Updated on: Feb 06, 2025 | 8:59 PM
Share

अचानक काही खाण्याची इच्छा झाली की आपण लगेच घरबसल्या किंवा अगदी ऑफिसमधूनही आपले आवडे पदार्थ ऑनलाइन अॅपद्वारे मागवू शकतो. या ऑनलाइन अॅपमध्ये ‘झोमॅटो’ हे तर नावाजलेलं अॅप. अगदी प्रत्येकाच्या फोनमध्ये सापडणारं असं हे अॅप आहे. किंवा अगदी गुगलवर जरी ‘झोमॅटो’ सर्च केलं तरी देखील त्याची लिंक ओपन व्हायची. पण आता असं होणार नाहीये का? आता गुगलवर  Zomato सर्च केल्यावर जेवण ऑर्डर करता येणार नाहीये का? असे प्रश्न निर्माण होत आहेत.

कारणही तसच आहे. कंपनीने आपल्या नावात बदल केला आहे. फूड टेक कंपनी झोमॅटोने आपले नाव बदलून ‘ईटर्नल’ केले आहे. कंपनीच्या संचालक मंडळानेही या बदलाला मान्यता दिली आहे. कंपनीने 6 फेब्रुवारी रोजी स्टॉक एक्सचेंज फाइलिंगमध्ये ही माहिती दिली आहे. झोमॅटोचे ग्रुप सीईओ आणि सह-संस्थापक दीपिंदर गोयल म्हणालेत की, “जेव्हा आम्ही ब्लिंकिट विकत घेतले तेव्हा त्यांनी ‘ईटर्नल’ हे नाव वापरण्यास सुरुवात केली. हे कंपनी आणि ब्रँड/अ‍ॅपमधील फरक ओळखण्यास मदत करते.”

नाव का बदलण्यात आले?

गोयल पुढे म्हणाले की, झोमॅटो मोठे झाल्यावर ते कंपनीचे नाव बदलून ईटर्नल करतील. म्हणून, आताच झोमॅटो लिमिटेडचे ​​नाव बदलून ‘ईटर्नल लिमिटेड’ करण्यात आलं आहे. पण झोमॅटो अॅपचे नाव बदलले जाणार नाही, असेही गोयल यांनी म्हटलं. तथापि, स्टॉक टिकरचे नाव झोमॅटो वरून ईटर्नल असे बदलले जाईल. सध्या ईटर्नलचे चार मुख्य व्यवसाय असतील. पहिला झोमॅटो, दुसरा ब्लिंकिट, तिसरा डिस्ट्रिक्ट आणि चौथा हायपर प्युअर असेल.

ईटर्नल हे एक शक्तिशाली नाव आहे.

गोयल पुढे म्हणाले की, ईटर्नल हे एक शक्तिशाली नाव आहे. हे एक अतिशय आव्हानात्मक नाव आहे. ‘शाश्वत’ या नावात श्रद्धा आणि विरोधाभास दोन्ही आहेत. हे फक्त नाव बदलण्यापुरतेच नसून हे एक मिशन स्टेटमेंट आहे. 20 जानेवारी रोजी कंपनीने आपल्या भागधारकांना लिहिलेल्या पत्रात म्हटले आहे की ते मोठ्या प्रमाणात मंदीचा सामना करत आहे. नोव्हेंबरच्या दुसऱ्या आठवड्यापासूनच ही परिस्थिती सुरु झाली असल्याचंही त्यांनी म्हटलं आहे.

कंपनीच्या नफ्यात वाढ

झोमॅटोचा कंसॉलिडेटेड प्रॉफिट आफ्टर टॅक्स (PAT)वार्षिक आधारावर 57 टक्क्यांनी घसरून 59 कोटी रुपयांवर आला आहे. तर गेल्या वर्षी याच कालावधीत ते 138 कोटी रुपये होता. तथापि, कंपनीचे उत्पन्न 64 टक्क्यांनी वाढून 5,404 कोटी रुपये झाले. हे गेल्या वर्षीच्या 3288 कोटी रुपयांपेक्षा आणि मागील तिमाहीतील 4799 कोटी रुपयांपेक्षा जास्त होते. मंडळाने नाव बदलण्यास मान्यता दिली. आता कंपनीच्या भागधारकांच्या मंजुरीची वाट पाहत असल्याचं म्हटलं जात आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी