Dhule Accident : धुळ्यात नाशिक-नंदुरबार एसटीला अपघात, सुदैवाने कोणतीही जीवितहानी नाही
सदर एसटी नंदुरबारकडून साक्रीकडे जात होती. तर कार विरुद्ध दिशेने होती. पावसामुळे रस्त्यांची दयनीय अवस्था झाली आहे. रस्त्यावर मोठ्या प्रमाणात खड्डे पडले आहेत. हे खड्डे चुकवण्याच्या प्रयत्नात कार एसटीसमोर आली.
धुळे : रस्त्यावरील खड्ड्यांमुळे धुळ्यात एसटीला अपघात (Accident) झाल्याची घटना घडली आहे. या अपघातात काही जण जखमी (Injured) झाले आहेत. धुळे जिल्ह्यातील टिटाणे फाट्याजवळ नाशिक-नंदुरबार एसटीचा अपघात झाला. समोरुन येणाऱ्या एका कारचालकाने रस्त्यावरील खड्डे चुकवण्याच्या नादात कार (Car) एसटीसमोर आणली. यावेळी एसटी आणि कारमध्ये समोरासमोर धडक होणार तोच एसटी चालकाने प्रसंगावधान राखत एसटी रस्त्याच्या कडेला उतरवली. यावेळी बस रस्त्यालगत एक खड्यात उतरली. यात सुदैवाने कोणतीही जीवितहानी झाली नाही. मात्र काही जण जखमी झाले. तसेच एसटीचे नुकसान झाले आहे.
अपघातात एसटीचे नुकसान, काही जण किरकोळ जखमी
सदर एसटी नंदुरबारकडून साक्रीकडे जात होती. तर कार विरुद्ध दिशेने होती. पावसामुळे रस्त्यांची दयनीय अवस्था झाली आहे. रस्त्यावर मोठ्या प्रमाणात खड्डे पडले आहेत. हे खड्डे चुकवण्याच्या प्रयत्नात कार एसटीसमोर आली. यावेळी एसटी आणि कारची समोरासमोर धडक होणार होती. मात्र एसटी चालकाने प्रसंगावधान राखत एसटी रस्त्याच्या कडेला उतरवली. यावेळी रस्त्याच्या कडेला असणाऱ्या खड्ड्यात एसटी आदळली. यामुळे एसटीतील काही प्रवासी किरकोळ जखमी झाले. मात्र जीवितहानी टळली. घटनेची माहिती मिळताच निजामपूर पोलीस आणि साक्री आगारातील अधिकारी घटनास्थळी दाखल झाले. अपघातात एसटीच्या पुढच्या बाजूचा चेंदामेंदा झाला आहे. रस्त्यावरील खड्ड्यांमुळे हा अपघात झाला असून, हे खड्डे तात्काळ दुरुस्त करण्याची मागणी आता वाहन चालकांनी केली आहे. दरम्यान, या दुर्घटनेतील कारमधून गुटखा तस्करी होत असल्याची चर्चा आहे. मात्र प्रशासकीय यंत्रणांकडून अद्याप याला दुजोरा मिळाला नाही. (Accident on Nashik-Nandurbar ST in Dhule, fortunately no casualties)
