Crime News : बाप लग्न करुन देईना, मुलाने घेतला निर्णय, धक्कादायक घटना पाहून परिसर हादरला

गणेश सोळंकी, बुलढाणा : चाळीस वय झालंय तरी सुध्दा वडिल मुलाचं लग्न लावून देत नाही. त्यामुळे संतप्त झालेल्या मुलाने रागाच्या भरात रखरखत्या उन्हात डोळ्यात मारली काठी, त्यामध्ये वडिलांचा (father dead) तडफडून मृत्यू झाल्याची माहिती पोलिसांनी (buldhana police) दिली आहे. ही घटना बुलढाणा जिल्ह्यात जळगाव जामोद तालुक्यातील पिंपळगावात (jamod pipalgaon) घडली आहे. ज्यावेळी ही घटना घडली त्यावेळी तिथं असलेल्या कामगारांनी हे सगळं पाहिलं आहे. जामोद पोलिसांनी मुलास घटनास्थळावरुन अटक केली आहे. ही घटना घडल्यापासून याची सगळीकडं चर्चा सुरु आहे. आरोपी वडिलांसोबत एका वीटभट्टीवर काम करीत होता.

मुलगा चाळीस वर्षाचा झाला तरी…

बाप आपल्या मुलाचे लग्न करून देत नाही, म्हणून मुलाने आपल्या बापाचाच खून केल्याची धक्कादायक घटना बुलढाणा जिल्ह्यातील जळगाव जामोद तालुक्यात उघडकीस आली आहे. जळगाव जामोद तालुक्यातील पिंपळगाव काळे येथून जवळ असलेल्या अडोळ फाट्यावर ही घटना घडली आहे.आरोपी आपल्या वडिलांसोबत वीट भट्टीवर काम करत होता. यामध्ये मुलगा चाळीस वर्षाचा झाला तरी बाप लग्न करून देत नसल्याने मुलगा भानसिंग भैरड्या याने वडील नानसिंग भैरड्या याच्या डोक्यात काठी मारून त्याचा खून केला आहे. त्यामुळे परिसरात एकच खळबळ माजली आहे. जळगाव जामोद पोलिसांनी तात्काळ घटनास्थळ गाठत आरोपी मुलास ताब्यात घेऊन त्याला अटक केली आहे.

वीट भट्टीचं काम सुरु असताना अचानक लग्नाचा विषय निघाला

महाराष्ट्रात आतापर्यंत अशा पद्धतीच्या अनेक घटना घडल्या आहेत. अनेक मुलांनी आपल्या वडिलांचा खून केला आहे. त्याचबरोबर त्यांना शिक्षा सुध्दा झाली. बुलढाण्यातली घटना थोडीसी वेगळी आहे. वीट भट्टीचं काम सुरु असताना अचानक लग्नाचा विषय निघाला. त्यावेळी संतप्त झालेल्या मुलाने वडिलांच्या डोक्यात काठी मारली आणि वडिलांचा मृत्यू झाला. पोलिसांनी आरोपीला ताब्यात घेतलं आहे, त्याचबरोबर त्याची सखोल चौकशी केल्यानंतर आणखी काही गोष्टी उघडकीस येण्याची शक्यता आहे.