Nanded Crime | पत्नीवर संशय घ्यायचा, नंतर शांत डोक्याने घडवलं हत्याकांड; पत्नी, मुलाला संपून घेतला गळफास
मयत शांताराम हा संशयी स्वभावाचा होता, त्यातून तो पत्नीच्या वागणुकीवर विनाकारण संशय घेत असे. त्यातून त्याने पत्नी आणि मुलाच्या हत्येचा कट रचला असे पोलीस तपासात उघड झालेय. हा कट रचताना शांतारामने अगदी शांत डोक्याने हत्याकांड घडवलंय.
नांदेड : पत्नी आणि मुलाची हत्या करणाऱ्या शांतामन कावळे विरोधात तामसा पोलीस ठाण्यात हत्येचा गुन्हा दाखल करण्यात आलाय. शांतामन कावळेने पत्नी आणि मुलाची हत्या करत स्वतः आत्महत्या केली होती. भोकर तालुक्यातील टाकराळा इथल्या जंगलात या तिघांचे मृतदेह काल आढळले होते. त्या नंतर पोलिसांनी तपासाची चक्रे फिरवत या प्रकरणी मयत शांतारामवर हत्येचा गुन्हा दाखल केलाय.
मयत शांताराम हा संशयी स्वभावाचा होता, त्यातून तो पत्नीच्या वागणुकीवर विनाकारण संशय घेत असे. त्यातून त्याने पत्नी आणि मुलाच्या हत्येचा कट रचला असे पोलीस तपासात उघड झालेय. हा कट रचताना शांतारामने अगदी शांत डोक्याने हत्याकांड घडवलंय.
शवविच्छेदनातून आलं सत्य बाहेर
शवविच्छेदनाच्या अहवालानुसार या घटनेतील मुलाचा आणि आईच्या मृत्यूमध्ये चार दिवसाचा फरक आहे. आरोपीने आधी जंगलात मुलाला आणून संपवलं आणि त्या नंतर पत्नीला तिथे आणून ठार केले असावे असे पोलीस सूत्रांनी सांगितलं. त्या नंतर याच ठिकाणी स्वतः आरोपीने गळफास लावून आत्महत्या केलीय.
दुसरा मुलगा बचावला
आरोपी शांतारामने घरी असलेल्या 11 वर्षीय सुजित या मुलाची हत्या केली. मात्र त्याचा 18 वर्षाचा अभिजित मुलगा गायब आहे, आरोपीने त्याचे काही बरे वाईट केले की काय अशी शंका नातेवाईकांनी उपस्थित केलीय. आज सांयकाळपर्यंत बेपत्ता असलेल्या अभिजितचा काही शोध लागला न्हवता. त्याला शोधण्यासाठी आम्ही प्रयत्नशील असल्याचे तपास अधिकारी पोलीस निरीक्षक अशोक उजागरे यांनी सांगितलंय.
लॉकडाऊन नंतर कुटुंब परतले होते गावी
या घटनेतील शांताराम हा लॉकडाऊनपूर्वी मुंबईत राहून उपजीविका भागवत असे. हाथाला मिळेल ते काम करून शांताराम कुटुंबाचा उदरनिर्वाह चालवत असे. मात्र लॉक डाउननंतर काम मिळेनासे झाल्याने कुटुंबासह तो हिमायतनगर तालुक्यातील टेंभी या मूळ गावी परतला होता. मात्र इथे त्याच्या रिकाम्या मेंदूत संशयाचे भूत शिरले आणि एक हसते खेळते कुटुंब जगातून नाहीसे झाले.
इतर बातम्या :
OBC Reservation: केंद्राने राज्याला ओबीसीचा इम्पिरिकल डेटा द्यावा; सुप्रिया सुळेंची लोकसभेत मागणी
Nitin Raut: मुलासाठी महावितरणची यंत्रणा वेठीस, नितीन राऊतांनी राजीनामा द्यावा; भाजपची मागणी
