मुंबईत हायप्रोफाईल वस्तीत Ambergris ची खरेदी-विक्री, पोलिसांकडून सापळा रचत टोळीचा पर्दाफाश

गुन्हे शाखेने बेकायदेशीरपणे व्हेल उलटी (Whale Vomit) म्हणजेच अंबरग्रिसची (Ambergris) खरेदी-विक्री करणार्‍या टोळीचा पर्दाफाश केला आहे.

मुंबईत हायप्रोफाईल वस्तीत Ambergris ची खरेदी-विक्री, पोलिसांकडून सापळा रचत टोळीचा पर्दाफाश
Ambergris

मुंबई : गुन्हे शाखेने बेकायदेशीरपणे व्हेल उलटी (Whale Vomit) म्हणजेच अंबरग्रिसची (Ambergris) खरेदी-विक्री करणार्‍या टोळीचा पर्दाफाश केला आहे. या प्रकरणात गुन्हे शाखेने दोन आरोपींना अटक केली असून त्यांच्याकडून 6 किलो अ‍ॅम्बरग्रिस जप्त केले. ज्याचे बाजारमूल्य 6 कोटी रुपयांपेक्षा जास्त आहे. हे दोन्ही आरोपी अ‍ॅम्बरग्रिसचा पुरवठा करण्यासाठी मुंबईच्या पवई भागात आले होते. (Mumbai CID arrested Two with Ambergris worth Rs 6 crore)

मुंबई गुन्हे शाखेच्या युनिट 10 ला त्यांच्या गुप्त सूत्रांकडून माहिती मिळाली होती की, पवई परिसरातील एका कारमधील दोन लोक अ‍ॅम्बरग्रिस खरेदी विक्री करणार आहेत. माहिती मिळताच मुंबई गुन्हे शाखेच्या पथकाने सापळा रचला. थोड्याच वेळाने एक गाडी आली आणि तिथेच थांबली. संशयाच्या आधारे गुन्हे शाखेने कार थांबवून शोध घेतला असता त्यांच्याकडून जवळपास 6 किलो अ‍ॅम्बरग्रिस जप्त करण्यात आले आहे. यानंतर कारमध्ये बसलेल्या दोन्ही आरोपींना गुन्हे शाखेकडून अटक करण्यात आली.

मिळालेल्या माहितीनुसार अ‍ॅम्बरग्रिस हे परफ्युम आणि अनेक औषधे तयार करण्यात वापरले जाते. ते खूप महाग किंमती विकले जाते. या दोन्ही आरोपींना अटक केल्यानंतर गुन्हे शाखा हे तपास करत आहे की, आरोपी याचा पुरवठा कोणाला करणार होते. या टोळीत इतर लोक कोण आहेत? याचा शोध शुरु आहे. यापूर्वीदेखील मुंबईत अ‍ॅम्बरग्रिसची विक्री करणारी टोळी पोलिसांनी पकडली होती.

इतर बातम्या

एका क्षणात झाला करोडपती! मच्छिमाराच्या हाती काय लागलं हे पाहून तुम्हीही थक्क व्हाल

कर्जाचा डोंगर, वाढत्या अपेक्षा… मला माफ करा; MPSC उत्तीर्ण स्वप्नील लोणकरची सुसाईड नोट जशीच्या तशी…

ऑनलाईन शस्त्रास्त्र तस्करी, 49 तलवारींसह धारदार शस्त्रं जप्त, औरंगाबादेत आरोपी ताब्यात

Read Full Article

Click on your DTH Provider to Add TV9 MARATHI